جنوبی کوریا کے بحریہ کے چیف آف نیول آپریشنز ایڈمرل کانگ ڈونگ گل کو دسمبر 2024 کے آخر میں سابق صدر یون سُک یول کے ناکام مارشل لا منصوبے میں مبینہ ملوث ہونے کے باعث ایک ماہ کی معطلی کا سامنا ہے۔
یہ فیصلہ وزارت دفاع کی جانب سے جمعہ کو ایک کمیٹی کے اجلاس کہ جس میں کانگ کی طرف سے 3 دسمبر 2024 کی رات مارشل لا کمانڈ بنانے کی کوششوں میں مددکرنے کےانکشافات کا جائزہ لیا گیا ۔
الزامات کی بنیاد پر کانگ کو گزشتہ ماہ ذمہ داریوں سے ہٹا دیا گیا تھا۔
جب مارشل لا نافذ کیا گیا تھا تب کانگ جوائنٹ چیفس آف اسٹاف کے ماتحت ملٹری سپورٹ ڈائریکٹوریٹ کے سربراہ کے طور پر تعینات تھے۔
ابتدائی طور پر حکام نے بتایا تھا کہ چھ ماہ پر محیط تفتیش میں 24 فوجی کمانڈز اور یونٹس کے تقریباً 860 جنرلز اور فیلڈ گریڈ افسران کا جائزہ لیا گیا، جن میں سے تقریباً 180 افراد کو اس کوشش میں براہِ راست یا بالواسطہ ملوث ہونے کا مشتبہ قرار دیا گیا۔
وزارت نے مزید تعین کیا کہ اس مختصر مدت کے مارشل لا کے دوران تقریباً 1,580 فوجی تعینات کیے گئے تھے۔
