ایران، امریکہ کے ساتھ بڑھتی ہوئی کشیدگی پر قابو پانے کے لئے، کئی سفارتی راستوں کا جائزہ لے رہا ہے۔

باوجودیکہ  امریکی بحریہ، ایران کے نزدیک، اپنی فوجی موجودگی میں اضافہ کر رہی ہے تہران نے گفت و شنید کے لیے محتاط آمادگی کے اشارے دیئے ہیں۔

ایران وزارتِ خارجہ  کے ترجمان اسماعیل باغائی نے آج بروز پیر جاری کردہ بیان میں کہا ہے کہ "تہران مختلف سفارتی طریقوں کا تفصیلی جائزہ لے رہا ہے اور امید کرتا ہے کہ آئندہ دنوں میں یہ کوششیں نتیجہ خیز ثابت ہوں گی"۔

باغائی نے کہا ہے کہ "علاقائی ممالک، ایران اور امریکہ کے درمیان پیغام رسانی میں، ثالث کا کردار ادا کر رہے ہیں۔ متعدد نکات کا تبادلہ ہوا ہے۔ اس وقت ہم، تمام  سفارتی مراحل کا تفصیلی  جائزہ لے رہے ہیں ۔ ہمیں امید ہے کہ آنے والے دنوں میں اس کے مثبت  نتائج نکلیں گے۔ہماری  گفتگو کا محور ممکنہ مذاکرات کا "مرحلہ اور ڈھانچہ" ہے۔

واضح رہے کہ ایران وزارتِ خارجہ نے یہ بیانات امریکہ کے صدر ڈونلڈ ٹرمپ کے گذشتہ ہفتے صحافیوں کے لئے جاری کردہ اور  ایران واشنگٹن کے ساتھ "سنجیدہ بات چیت" کر رہا  ہے کے الفاظ پر مبنی بیان کے بعد جاری کئے ہیں۔