ترک وزارت خارجہ نے شام میں داعش کے ایک دہشت گرد حملے کی مذمت کی ہے جس میں شامی اور امریکی فورسز کو نشانہ بنایا گیا تھا۔

وزارت نے آج  صبح ایک بیان میں کہا کہ ہم 13 دسمبر کو پالمیرا کے قریب گشت کرنے والی شامی اور امریکی فورسز کے خلاف کیے گئے دہشت گرد حملے کی مذمت کرتے ہیں،"

ترکیہ نے ہلاک شدگان کے اہل خانہ، شام و امریکہ کی حکومتوں سے تعزیت کا اظہار کیا جو داعش کے خلاف بین الاقوامی اتحاد کے شراکت دار ہیں۔

وزارت نے مزید کہا کہ ترکیہ ملک میں استحکام اور سلامتی کو مضبوط بنانے اور دہشت گردی کے خلاف شامی حکومت کی کوششوں کی حمایت جاری رکھے گا۔

امریکی سینٹرل کمانڈ (سینٹ کام) نے کہا کہ داعش کے ایک مسلح شخص کے حملے میں دو امریکی فوجی اور ایک شہری ہلاک اور تین دیگر فوجی زخمی ہوئے۔