چین کے صدر شی جن پنگ نے بیجنگ میں روس کے وزیر خارجہ سرگئی لاوروف سے ملاقات کی ہے۔

چینی سرکاری ذرائع ابلاغ کے مطابق لاوروف، دو طرفہ تعلقات کو مضبوط بنانے اور مشرق وسطیٰ اور یوکرین کی جنگوں پر تبادلہ خیال کرنے کے لئے، چین کے 2 روزہ دورے پر ہیں۔ لاوروف کے دورہ چین کے دوران صدر شی جن پنگ نے ان کے ساتھ ملاقات کی ہے۔

بیجنگ نے اس ہفتے ایسے کئی ممالک کےسربراہان کی میزبانی کی ہے جو ایران کے خلاف جنگ سے اقتصادی طور پر متاثر ہو رہے ہیں۔ ان شخصیات میں اسپین کے وزیر اعظم پیدرو سانچیز، ابوظہبی کے ولی عہد محمد بن زید النہیان اور ویتنام کے سربراہ تو لام شامل ہیں۔

چین سرکاری ٹیلی ویژن 'سی سی ٹی وی' کے مطابق ملاقات بیجنگ کے عظیم عوامی ہال  میں طے پائی ۔ اس  ملاقات سے ایک دن قبل  انہوں نے چین کے وزیر خارجہ وانگ ای کے ساتھ ملاقات  میں روس اور چین کے گھیراو کی کوششوں پر کڑی تنقید کی تھی۔

روس  سرکاری خبر رساں ایجنسی 'ریا نووستی'کے مطابق  لاوروف نے  امریکہ اور اس کے اتحادیوں کی طرف اشارہ کرتے ہوئے کہا تھا کہ

"وہ ،چین اور روسی فیڈریشن کو محدود کرنے کے لئے چھوٹے پیمانے پر اور  بلاک کی ساخت والے  ڈھانچے بنا کر علاقائی تعاون کو ختم کرنے کی کوشش کر رہے ہیں"۔