شمالی کوریا نے کہا ہے کہ ہمارا جوہری پروگرام مذاکرات کے لئے بند ہے۔

جنوبی کوریا کی خبر رساں ایجنسی یونہاپ کے مطابق، شمالی کوریا کے رہنما کم جونگ اُن کی بااثر بہن کم یو جونگ نے چین کے صدر شی جن پنگ کے متوقع دورۂ شمالی کوریا سے قبل جاری کردہ بیان میں کہا  ہے کہ "ہمارے ملک کا جوہری ہتھیاروں کا پروگرام' کسی بھی صورت میں مذاکرات کے لیے کھلا نہیں'ہے"۔

شمالی کوریا کی سرکاری خبر رساں ایجنسی KCNA میں اتوار کے روز شائع ہونے والے بیان کے مطابق، کم یو جونگ نے کہا ہے کہ "ہمارا جوہری طاقت کا درجہ کسی بھی صورت  میں  مذاکراتی موضوع  نہیں ہے"۔

 انہوں نے زور دیا  ہےکہ پیانگ یانگ کی قیادت "کسی قسم کی دھمکی کو برداشت نہیں کرے گی۔"

واضح رہے کہ بیجنگ اور پیانگ یانگ نے جمعہ کے روز ایک مشترکہ بیان میں اعلان کیا تھا کہ چینی صدر شی جن پنگ 8 اور 9 جون کو شمالی کوریا کا سرکاری دورہ کریں گے۔

وائٹ ہاؤس کی جانب سے جاری بیان میں کہا گیا تھا کہ اس دورے کے بعد شی جن پنگ اور امریکی صدر ڈونلڈ ٹرمپ نے شمالی کوریا کو جوہری ہتھیاروں سے پاک کرنے کے مشترکہ ہدف کی دوبارہ توثیق کی ہے۔

اگرچہ بیجنگ نے مذاکرات کی تفصیلات عوامی طور پر ظاہر نہیں کیں، تاہم چینی حکومت نے کہا ہے کہ وہ جوہری مسئلے کے "سیاسی حل" کے لیے اپنے مخصوص طریقوں کے ذریعے کوششیں جاری رکھے ہوئے ہے۔