عالمی ادارہ صحت کے سربراہ نے کہا ہے کہ سوڈان میں ایک ہسپتال پر حملے میں مارے جانے والے 64 افراد میں 13 بچے شامل تھے۔

عالمی ادارہ صحت نے سوڈان میں طبی شعبے پر ایک اور حملے کی تصدیق کی ہے۔ اس بار مشرقی دارفور کے دارالحکومت ال-دائین میں ال-دائین ٹیچنگ ہسپتال کو نشانہ بنایا گیا، جس کے نتیجے میں کم از کم 64 افراد ہلاک ہوئے جن میں 13 بچے، دو خواتین نرسیں، ایک مرد ڈاکٹر اور متعدد مریض شامل ہیں۔

عالمی ادارہ صحت کے سربراہ ٹیڈروس ادھانوم گیبریسیوس نے ایکس پر کہا  کہ حملے کے نتیجے میں جنگ میں صحت کی سہولیات پر حملوں سے منسلک ہلاکتوں کی تعداد 2000 سے تجاوز کر گئی ہے۔

گیبریسیوس نے یہ بھی کہا کہ حملے میں 89 افراد زخمی ہوئے، جن میں آٹھ طبی کارکن بھی شامل ہیں۔

 انہوں نے بھی کہا کہ صحت کی خدمات کبھی ہدف نہیں ہونی چاہئیں " امن بہترین دوا ہے"۔