اسرائیلی فوج نے دعویٰ کیا ہے کہ دمشق شہر میں شامی فوج نے جنرل اسٹاف کمپلیکس کے داخلی دروازے کو نشانہ بنایا۔
اسرائیل کی جانب سے جاری ہونے والے ایک بیان میں کہا گیا ہے کہ حال ہی میں اسرائیلی فوج نے دمشق کے علاقے میں شامی حکومت کے فوجی ہیڈکوارٹر کے داخلی دروازے پر حملہ کیا۔
شام کے سرکاری ٹی وی نے خبر دی ہے کہ دمشق کے مرکز میں دو افراد زخمی ہوئے ہیں، تاہم انہوں نے صحیح مقام کی وضاحت نہیں کی۔
شامی ٹیلی ویژن نے یہ بھی اطلاع دی ہے کہ شامی فوج کے جنرل اسٹاف کمپلیکس کے قریب فائرنگ کی آوازیں سنی گئیں۔
اسرائیل کے آرمی ریڈیو نے ان حملوں کی تصدیق کرتے ہوئے کہا ہے کہ اس نے علاقے میں "شامی فوج کے اثاثوں" کو نشانہ بنایا۔
اسرائیل نے یہ بھی اعلان کیا ہے کہ وہ شام کے ساتھ سرحد پر حفاظتی باڑ کے علاقے میں کمک بھیجے گا۔
یہ حملے ایسے وقت میں کیے گئے ہیں جب کچھ ہی دیر قبل اسرائیلی وزیر دفاع اسرائیل کاٹز نے دھمکی دی تھی کہ اگر شامی افواج صوبہ سویدہ سے انخلا نہیں کیا گیا تو وہ انہیں نشانہ بنانا جاری رکھیں گے۔
