روس نے ہفتہ کو امریکی انتظامیہ سے مطالبہ کیا  ہےکہ وہ یوکرین جنگ کے کسی بھی حل میں زمینی حقائق کو مدنظر رکھے، اور دعویٰ کیا کہ صورتحال کیف کے بر خلاف جا رہی ہے۔

روسی نائب وزیر خارجہ سرگئے ریابکوف نے TASS نیوز ایجنسی کو بتایا کہ "اہم سوال یہ ہے کہ امریکی انتظامیہ کس حد تک زمینی حقائق کو مدنظر رکھتے ہوئے موجودہ بحران کا حقیقی حل تلاش کرنے میں سرمایہ کاری کرنے کے لیے تیار ہے۔

نائب وزیر خارجہ نے آیا کہ  امریکی خصوصی ایلچی اسٹیو وٹکوف اور جیریڈ کشنر،  ممکنہ طور پر ماسکو کا دورہ کریں گے   یا نہیں، سوال کا  جواب دیا۔

جمعہ کو ٹرمپ نے کہا  تھا کہ یہ ایلچی روس اور یوکرین کے درمیان امن معاہدہ طے کرنے کی کوشش میں بیرونِ ملک جا رہے ہیں۔

ٹرمپ نے کہا کہ"میں نے اسٹیو وٹکوف اور جیریڈ کشنر کو بھیجا، دو بہترین مذاکرات کار۔ انہوں نے اچھا کام کیا ہے، اور ہم نے انہیں یہ دیکھنے کے لیے بھیجا کہ کیا ہم کچھ کروا سکتے ہیں یا نہیں۔ اور ممکن ہے کہ ہمیں اس میں کامیابی ملے۔"

واشنگٹن کی ایران کے ساتھ کشیدگی کے درمیان امن کی کوششیں رک گئی ہیں، جبکہ ماسکو اور کیف نے طویل فاصلے کے حملے تیز کر دیے ہیں، جس سے شہری ہلاکتیں اس تنازعے کے آغاز کے بعد  سے نہ  دیکھی گئی سطح تک پہنچ گئی ہیں۔

وٹکوف اور کشنر، جو غزہ اور ایران میں جنگ بندی مذاکرات کار رہے  ہیں، گزشتہ سفارتی اقدامات کے تحت کئی بار ماسکو کا سفر کر چکے ہیں۔

یہ اقدام یورپ کے دوسری جنگِ عظیم کے بعد سب سے مہلک تنازعہ، جو 2022 میں روس کی طرف سے یوکرین میں جنگ  چھیڑنے کے ساتھ  شروع ہوا تھا، میں سفارتی  جمود توڑنے کے لیے واشنگٹن کی تازہ ترین کوشش کو ظاہر کرتا ہے۔