ترکیہ کے وزیر خارجہ خاقان فیدان  اپنے ایشیا پیسیفک دورے کے سلسلے میں انڈونیشیا پہنچ گئے ہیں۔

دارالحکومت جکارتا میں ان کے انڈونیشیائی ہم منصب سوگیونو نے فیدان کا استقبال کیا۔

اعلیٰ حکام کے ساتھ بات چیت کے دوران، فیدان دونوں ممالک کے درمیان دوطرفہ تعاون کو بڑھانے، تجارتی اور دفاعی تعلقات کو فروغ دینے اور علاقائی و عالمی سکیورٹی چیلنجوں پر تبادلہ خیال کریں گے۔

ترکیہ ان پہلے ممالک میں سے ایک تھا جس نے انڈونیشیا کی آزادی کو تسلیم کیا ،دونوں ممالک کے درمیان سفارتی تعلقات 1950 میں قائم ہوئے تھے ،جکارتا میں ترکیہ کا سفارت خانہ 1957 میں کھلا تھا،ترکیہ اور انڈونیشیا کے درمیان "اعلی سطحی  اسٹریٹجک تعاون کونسل" 2022 میں قائم کی گئی تھی جس کا قیام ترک صدر  ایردوان کے جی-20 سربراہی اجلاس موقع پر بالی کے دورے کے دوران عمل میں آیا تھا۔