ترکیہ قومی خفیہ ایجنسی 'ایم آئی ٹی' کے سربراہ ابراہیم قالن نے دارالحکومت انقرہ میں مصر کی جنرل انٹیلی جنس سروس کے سربراہ حسن راشد سے ملاقات کی۔

سکیورٹی ذرائع کے مطابق منگل کو طے پانے والی اس ملاقات میں دونوں فریقوں نے اسرائیل کی بڑھتی ہوئی خلاف ورزیوں کے تناظر میں غزہ میں جنگ بندی معاہدے کے دوسرے مرحلے کی صورتحال کا جائزہ لیا ۔

ابراہیم قالن اور حسن راشد نے اس نوعیت کی خلاف ورزیوں کی روک تھام کے لیے باہمی رابطے اور تعاون کو مزید مضبوط بنانے  پر اتفاق کیا ہے ۔

ملاقات کے دوران قالن نے اس بات پر زور دیا کہ ترکیہ ہمیشہ کی طرح اپنی "تمام تر صلاحیتوں" کے ساتھ فلسطینی عوام کے ساتھ کھڑا رہے گا۔

ملاقات میں دونوں ممالک کے باہمی تعلقات، لیبیا کے مشرقی اور مغربی علاقوں کی حکومتوں اور فوجی قوتوں کو ایک ہی مرکزی اختیار کے تحت متحد کرنے کی کوششوں، نیز صومالیہ میں ہونے والی پیش رفت پر بھی تبادلۂ خیال کیا گیا۔

دونوں رہنماؤں نے سوڈان کی مسلح افواج اور نیم فوجی ریپڈ سپورٹ فورسز 'RSF' کے درمیان جاری جھڑپوں پر بھی گفتگو کی۔