پینٹاگون کا کہنا ہے کہ امریکہ اور اس کے اتحادی عراق میں اپنے فوجی مشن کو محدود کریں گے ۔
پینٹاگون کے چیف ترجمان شان پارنل نے ایک بیان میں کہا، "صدر کی ہدایات کے مطابق اور امریکہ-عراق اعلیٰ فوجی کمیشن اور 27 ستمبر 2024 کو جاری کردہ مشترکہ بیان کے تحت، امریکہ اور اس کے اتحادی عراق میں اپنے فوجی مشن کو محدودکریں گے۔"
پارنل نے مزید کہا یہ چیز داعش کے خلاف مشترکہ کامیابی اور امریکہ-عراق طویل مدتی سیکیورٹی شراکت داری کی طرف منتقلی کی وسیع کوشش کی عکاس ہے۔
انہوں نے کہا، "یہ شراکت داری امریکہ اور عراقی سیکیورٹی میں تعاون پر مبنی ہو گی اور عراق کی صلاحیت کو مضبوط کرے گی تاکہ وہ اقتصادی ترقی کو فروغ دے سکے، غیر ملکی سرمایہ کاری کو راغب کر سکے اور خطے میں ایک اہم کردار ادا کر سکے۔"
امریکہ بغداد اور اتحادی شراکت داروں کے ساتھ قریبی تعاون جاری رکھے گا تاکہ ایک ذمہ دار اور منظم منتقلی کو یقینی بنایا جا سکے۔
فی الحال، امریکہ کے تقریباً 2,500 اہلکار عراق کے اہم اڈوں پر موجود ہیں۔
امریکہ اور عراق نے 2026 کے آخر تک عراق سے امریکی قیادت میں اتحادی افواج کے انخلا کے معاہدے پر اتفاق کیا ہے۔
