نیٹو کا نیا "فرنٹ ڈور اقدام، تقریباً 5.3 ارب یورو کے مشترکہ فنڈ کے تعاون سے، دفاعی کمپنیوں اور اتحاد کے اداروں کے درمیان تعاون کو آسان بنانے کا ہدف رکھتا ہے۔

انقرہ میں منعقدہ نیٹو سربراہی اجلاس میں اعلانیہ فرنٹ ڈور میکانزم کو اس طرح ڈیزائن کیا گیا ہے کہ یہ دفاعی صنعت کی کمپنیوں کے لیے نیٹو کے حصولِ خریداری اور جدت طرازی کے مواقع تک رسائی کے لیے واحد داخلہ پوائنٹ کے طور پر کام کرے۔

جمہوریہ ترکیہ کی وزارتِ قومی دفاع نے مقامی دفاعی صنعت کی کمپنیوں کو نیٹو کے مشترکہ فنڈ سے حصہ حاصل کرنے میں مدد دینے کے مقصد سے، حصولِ سامان کے عمل سے متعلق ایک کتابچہ جاری کیاہے۔

نیٹو اپنے مشترکہ فنڈ کو کمانڈ اینڈ کنٹرول آلات، سافٹ ویئر، تعمیراتی منصوبوں اور سائبر سیکیورٹی جیسی بنیادی مشترکہ ضروریات کی مالی اعانت کے لیے استعمال کرتا ہے، جبکہ رکن ممالک طیاروں اور بحری جہازوں جیسے بڑے پلیٹ فارمز کو براہ راست حاصل کر کے اتحاد کے آپریشنز کے استعمال کے لیے پیش کرتے ہیں۔

نیا فرنٹ ڈور اقدام بڑی دفاعی کمپنیوں سے لے کر چھوٹے اسٹارٹ اپس تک، ہر  قسم کے کاروبار کو خدمات فراہم کرنے اور نیٹو کے ساتھ روابط کے لیے ایک واحد ڈیجیٹل ایکسیس پوائنٹ بنانے کا ارادہ رکھتا ہے۔

اس اقدام کا مقصد نیٹو کے ساتھ تعاون کے عمل کو آسان بنانا اور لوجسٹک سپلائی نیٹ ورک کو وسعت دینا بھی ہے، جو نیٹو کے مشرقی جانب فوجی کمک کی سرگرمیوں اور'ویری ہائی ریڈینس جوائنٹ ٹاسک فورس'  سمیت نیٹو ریسپانس فورس کی مدد کرتا ہے۔

ترک  وزارتِ قومی دفاع کی طرف سے جاری کردہ گائیڈ لائن میں ان سات مراحل کی فہرست دی گئی ہے جن پر ترک کمپنیوں کو نیٹو کے ٹینڈرز میں کامیابی حاصل کرنے کے لیے عمل کرنا ہوگا۔

گائیڈ لائن کے مطابق، کمپنیوں کے پاس ایک درست 'نیٹو فیسلٹی سیکیورٹی سرٹیفکیٹ' ہونا، وزارت کے پاس رجسٹریشن کروانا، ٹینڈر کے مواقع کی باقاعدگی سے نگرانی کرنے اور ٹینڈرز  کے  حامل منصوبوں  کے لیے مخصوص اہلیت کےاعلامیئے کی درخواست کرنا ضروری ہے۔