ایران نے فیفا ورلڈ کپ کے افتتاحی میچ میں نیو زی لینڈ کے خلاف ایک سنسنی خیز مقابلے کے بعد 2۔2 سے برابر رہنے میں کامیابی حاصل کر لی ہے۔

میچ کے  ساتویں منٹ میں 'کرس ووڈ ' کے پاس پر    'ایلیجہ جسٹ'  نے گول  کر کے نیو زی لینڈکی ٹیم کو صفر۔ایک کی برتری دِلا دی۔

ایران نے ، میچ کے  32ویں منٹ میں رامین رضائیان کے قریبی فاصلے سے بال کو جال میں پھینکنے سے  اسکور برابر کر دیا۔

اس گول نے لاس اینجلس کے کھچا کھچ بھرے  اسٹیڈیم میں  ایرانی تماشائیوں کے جوش و خروش کو دوبالا کر دیا۔

پورے میچ میں شاندارکارکردگی دکھانے والے 26 سالہ ایلیجہ جسٹ نے 54ویں منٹ میں دوبارہ نیو زی لینڈ کی برتری بحال کر دی۔ یہ گول انہوں نے  کرس ووڈ کی ایک اورہِٹ پر  گول کیپر علی رضا بیرانوند کے اوپر سے بال کو جال میں پھینک کر کیا۔

لیکن ایران نے 10 منٹ بعد ہی اس کا جواب دے دیا۔ محمد موحبی نے پوسٹ کے عقب سے سَر کے ساتھ  گیند کو جال میں پھینک کر  گول کیا اور میچ 2۔2 سے  برابر ہو گیا۔

گروپ جی کے اگلے میچ اتوار کو ہوں گے۔ ان میچوں میں  ایران بیلجیم کے ساتھ مقابلے کے لئےدوبارہ  لاس اینجلس واپس آئے گااور نیو زی لینڈ ونکوور میں مصر کے خلاف کھیلے گا۔ بیلجیم کا پیر کے روز مصر کے ساتھ پہلا میچ 1-1 سے برابر رہا تھا۔

ایران نے ٹورنامنٹ کے دوران اپنا تربیتی کیمپ ایریزونا سے میکسیکو کے شہر ٹِیجوانا منتقل کیا ہے۔ ٹیم ہر میچ سے ایک دن قبل امریکہ میں داخل ہوتی ہے اور میچ سے فوراً بعد میکسیکو واپس چلی جاتی ہے۔