یوکرین کے  صدر وولودیمیر زیلنسکی نے کہا کہ وہ امریکی صدر ڈونلڈ ٹرمپ سے ملاقات کے بعد یورپی رہنماؤں سے بات چیت کریں گے۔

زیلنسکی نے اتوار کو کہا کہ انہوں نے یوکرین کے شراکت داروں کے ایک گروپ سے سفارتی راستے پر ترجیحات کو مربوط کرنے کے لیے بات کی ہے۔

 انہوں نے ٹیلیگرام میسجنگ ایپ پر ایک پوسٹ میں کہا کہ کل، صدر ٹرمپ سے ملاقات کے بعد ہم بات چیت جاری رکھیں گے

زیلنسکی نے اتحادیوں سے مشاورت کی اور ٹرمپ سے ملاقات سے قبل حمایت کے اظہار کی تجدید حاصل کی۔

کینیڈا میں ٹرمپ  سے  ملاقات کے لیے فلوریڈا جاتے ہوئے ایک قیام کے دوران یوکرینی صدر نے سب سے پہلے کینیڈین وزیر اعظم مارک کارنی سے بات کی۔

جرمن چانسلر فریڈرک مرز کے مطابق ، ایک کانفرنس کال میں انہوں نے یورپی یونین، نیٹو اور یورپی رہنماؤں کو بریفنگ دی جنہوں نے انہیں مکمل حمایت  کا یقین دلایا ۔

یورپی یونین کی سربراہ ارسولا وون ڈر لین نے سوشل میڈیا پوسٹ میں کہا کہ وہ "ایک منصفانہ اور پائیدار امن کا خیرمقدم کرتی ہیں جو یوکرین کی خودمختاری اور علاقائی سالمیت کو برقرار رکھتا ہے۔

روس نے یوکرین اور اس کے یورپی حمایتیوں پر الزام لگایا ہے کہ وہ لڑائی روکنے کے لیے امریکی ثالثی کے سابقہ منصوبے کو "ٹارپیڈو" کرنے کی کوشش کر رہے ہیں۔

میدان جنگ پر دباؤ میں اضافہ کرتے ہوئے روس نے اعلان کیا کہ اس نے مشرقی یوکرین کے دو مزید قصبے، مرنوگراد اور گلیاپولے پر قبضہ کر لیا ہے۔

روسی صدر ولادیمیر پوتن نے کہا  کہ اگر کیف  حکام اس معاملے کو پرامن طریقے سے حل نہیں کرنا چاہتے تو ہم اپنے سامنے موجود تمام مسائل فوجی ذرائع سے حل کر لیں گے، ۔