یوکرین کی جانب سے روس پر حملوں میں کم از کم تین افراد ہلاک اور 16 زخمی ہو گئے، جب کہ روسی حملوں میں یوکرین میں 10 افراد زخمی ہوئے۔

علاقائی سربراہ ییگور کووالچک نے  بتایا کہ روسی علاقے بریانسک کے گاؤں بورشچووو میں ایک زرعی ادارے کی منی بس پر یوکرینی ڈرون حملے میں دو افراد ہلاک اور دو شدید زخمی ہو گئے ۔

بیلگورود میں رات بھر ہونے والے وسیع پیمانے کے  ڈرون حملے میں ایک شخص ہلاک اور 14 زخمی ہوئے۔

یوکرین کی ریاستی ایمرجنسی سروس کے مطابق، خارکیف اور ونیتسیا میں روسی حملوں میں تین ہنگامی ردعمل کرنے والے عملے سمیت 10 افراد زخمی ہوئے۔

ونیتسیا میں ایک رہائشی پانچ منزلہ عمارت پر روسی حملے میں مزید چھ افراد زخمی ہوئے۔

ایمرجنسی سروس  کا کہنا ہے یہ حملے آگ لگنے کا سبب بنے اور جائے وقوعہ پر  پہنچنے والی ہنگامی ٹیموں پر بار بار حملے کیے گئے۔

اس نے کہا کہ ایک فائر انجن ٹینکر مکمل طور پر تباہ ہو گیا۔

دریں اثنا، روسی وزارتِ دفاع نے اعلان کیا ہے کہ اس کی فوجوں نے رات بھر یوکرین میں لاجسٹکس مراکز، بندرگاہی انفراسٹرکچر اور مبینہ طور پر یوکرینی افواج کے لیے ساز و سامان لے جانے والے جہازوں پر حملے جاری رکھے۔

خارکیف میں روسی حملوں نے  ایک لاجسٹکس سینٹر، ایک تقسیماتی مرکز اور  ایک ٹرمینل کو نشانہ بنایا،

وزارت کے مطابق، یہ  تنصیبات   عسکری  یا دوہرے استعمال کی اشیاء ذخیرہ کرنے کے لیے استعمال ہوتی تھیں جو یوکرین کی مسلح افواج   کے لیے کام کرتی تھیں۔

وزارت نے یہ بھی دعویٰ کیا کہ یوکرینی افواج کے لیے ساز و سامان لے جا نے والے ایک مال بردار بحری جہاز کو  بندرگاہ چورنومورسک کی طرف جاتے وقت نشانہ بنایا گیا۔

وزارت نے مزید  کہا کہ روسی فضائی دفاعی نظاموں نے رات بھر میں 532 یوکرینی طیارہ نما ڈرونز کو ناکارہ بنایا۔

دونوں فریقین  کے دعووں کی آزادانہ طور پر تصدیق  نہیں ہو سکی۔