دنیا
2 منٹ پڑھنے
کمشنر اقوام متحدہ کے روس اور یوکرین کے دو طرفہ حملوں پر خدشات
ملک کے مختلف حصوں میں لوگوں کو قتل اور زخمی کرنے والے ان حملوں کا دائرہ اور طریقۂ کار قابل مذمت ہے۔
کمشنر اقوام متحدہ کے روس اور یوکرین کے دو طرفہ حملوں پر خدشات
اقوام متحدہ کے ہائی کمشنر برائے انسانی حقوق وولکر ترک، میکسیکو میں ایک پریس کانفرنس کے دوران۔

اقوام متحدہ کے کمشنر برائے حقوقِ انسانی وولکر ترک نے روس اور یوکرین کے درمیان جاری جنگ میں طرفین کی ایک دوسرے پر حملے کرنے کی بارے میں تشویش کا اظہار کیا۔

وولکر ترک نے روس اور یوکرین کے ایک دوسرے کو نشانہ بنانے والے حملوں کے بارے میں ایک تحریری بیان جاری کرتے ہوئے کہا کہ"مقامی حکام کے مطابق کراماتارسک میں آج دو عوامی بسوں کو نشانہ بنانے والے اور کم از کم 30 شہریوں کی ہلاکت کا باعث بننے والے ہولناک حملے سمیت، گزشتہ چار دنوں میں پورے یوکرین میں شہریوں  کی ہلاکتوں کا موجب بننے والے حملوں کی لہر نے مجھے گہرا صدمہ اور افسوس میں مبتلا کیا ہے۔"

وولکر ترک نے کہا کہ ملک کے مختلف حصوں میں لوگوں کو قتل اور زخمی کرنے والے ان حملوں کا دائرہ اور طریقۂ کار قابل مذمت ہے۔

انہوں نے بتایا کہ 5 اکتوبر سے اب تک روس کی حملوں میں 85 سے زائد سویلین ہلاک اور 346 زخمی ہو چکے ہیں۔

برقی ٹرانسفارمر مراکز اور توانائی پیدا کرنے والی تنصیبات پر وسیع پیمانے اور طویل فاصلے کے حملوں کے بعد یوکرین کے متعدد علاقے تاریکی میں ڈوب گئے ہیں، وولکر ترک نے اشارہ کیا کہ یوکرین سرد موسم اور دن  چھوٹے ہونے کی وجہ سے بجلی کی مانگ میں متوقع اضافے سے پہلے ہنگامی اور بجلی بندشوں کا سامنا کر رہا ہے۔

انہوں نے زور دیا کہ شہریوں کی حفاظت جنگی قوانین کے تحت سختی سے محفوظ ہے اور انہیں کبھی نشانہ نہیں بنایا جا سکتا؛ فریقین کو شہری آبادی کے تحفظ کے لیے مستقل احتیاط برتنی ہوگی۔

وولکر ترک نے کہا: "ان مبینہ خلاف ورزیوں کی تحقیقات ہونی چاہئیں اور جن افراد پر ذمہ داری ثابت ہوتی ہے انہیں حساب دینا ہوگا۔ شہریوں کے خلاف دانستہ طور پر حملے جنگی جرم تصور کیے جا سکتے ہیں۔"

دریافت کیجیے
عالمی رہنماؤں کے سیاسی عزم  نے ایک مثبت امید پیدا کی ہے: اردوعان
ہم، اسرائیل کے ساتھ اسلحہ تجارت ختم کرنا چاہتے ہیں: اوبووِچ
تیل کی قیمتوں میں کمی کا رجحان برقرار
اسرائیلی دعوے "سراسر قیاس آرائی" ہیں: سینٹ کوم
سوڈان: شمالی دارفور سے 5 ہزار 275 افراد ہجرت کر گئے
میں، کیوبا کا معاملہ حل کرنا چاہتا ہوں: ٹرمپ
امریکہ: ٹرمپ اور شی، پوتن کے ساتھ جوہری تخفیفِ اسلحہ پر بات کر سکتے ہیں
ہرمز سے بلا اجازت جو جہاز گزرا ہماری زد میں ہوگا: پاسداران انقلاب
ہسپتالوں پر حملے جرم ہیں:غزہ وزارت صحت
پاکستان:دہشتگردوں کا گھات لگا کر پولیس پر حملہ،متعدد ہلاک و زخمی
ماحول عدم اعتماد کامگر مذکرات میں پیش رفت کا امکان ہے:زیلنسکی
ترک خواتین کی باسکٹ بال ٹیم نے مونٹی نیگرو کو شکست دے دی
امریکہ کسی مغالطے میں نہ رہے، اسے بھی نشانہ بنا سکتے ہیں:ایران
پاکستان: آنکھوں کے معائنے کے بعد عمران خان کو دوبارہ جیل منتقل کر دیا گیا
ٹی آر ٹی بین الاقوامی دستاویزی فلم ایوارڈ کے لیے درخواستوں کا آغاز ہو گیا