صومالیہ کی قومی انٹیلی جنس اینڈ سیکیورٹی ایجنسی نے منگل کو کہا کہ اس نے چار کارروائیاں انجام دیں جن میں کم از کم 23 الشباب دہشت گرد ہلاک ہوئے۔

NISAکے مطابق یہ کارروائیاں، جنوب وسطی ریاست ہِرشبل کا حصہ ہونے والے ہِیران اور وسطی شبیلے کے علاقوں میں  ملک کے بین الاقوامی سیکیورٹی شراکت داروں کے تعاون سے کی گئیں۔

ادارے نے ایک بیان میں کہا کہ دہشت گردوں کو ایسے وقت نشانہ بنایا گیا جب وہ ریاست کے اندر حملے شروع کرنے کی تیاری میں تھے۔

NISAنے بیان میں کہا: "یہ پیشگی کارروائیاں انٹیلی جنس کو  خوارج گروہ واب وین اور گوبو کے علاقوں میں  جنگجووں کو  متحرک کر رہا  ہے، کی مخبری ملنے کے بعد کی گئیں۔"

خوارج ایک اصطلاح ہے جو  حکومتِ صومالیہ القاعدہ سے منسلک دہشت گرد گروہ الشباب کو بیان کرنے کے لیے استعمال کرتی ہے۔

بیان کے مطابق ہِیران کے قصبے موکوقوری میں ایک دہشت گرد کیمپ بھی کارروائیوں کے دوران تباہ کر دیا گیا۔ الشباب تنظیم  صومالی حکومت کے خلاف 16 سال سے زائد عرصے سے بغاوت میں ملوث ہے اور اکثر سکیورٹی فورسز، حکام اور عام شہریوں کو نشانہ بناتی رہتی  ہے۔