امریکی ذرائع ابلاغ کی خبروں کے مطابق بلیو اوریجن کا نیو گلین راکٹ، فلوریڈا کے کیپ کیناوریل میں واقع لانچنگ پیڈ پر پھٹ گیا ہے۔
کمپنی نے جمعرات کے روز ایکس سے جاری کردہ ایک مختصر بیان میں کہا ہے کہ"آج کے فائرنگ ٹیسٹ کے دوران ہمیں ایک غیر معمولی صورتحال کا سامنا کرنا پڑا ہے۔"
کمپنی نے یہ بھی کہا ہے کہ تمام عملے کی خیریت معلوم کر لی گئی ہے۔
واقعے کے ویڈیو مناظر میں راکٹ کے نیچے سے دھواں اٹھتا اور بعد راکٹ مکمل طور پر آگ کی لپیٹ میں آ کر ایک بڑے شعلے میں تبدیل ہوتا دِکھائی دے رہا ہے۔
فلوریڈا کے رکنِ کانگریس مائیک ہیری ڈوپلوس، جن کے حلقے میں کیپ کیناوریل بھی شامل ہے، نے ایکس سے جاری کردہ بیان میں کہا ہے کہ ہم، اس دھماکے کے حوالے سے جیرڈ ایساق مین کے ساتھ رابطے میں ہیں۔
ہاریڈوپولوس نے کہا ہے کہ "مجھے خوشی ہے کہ کوئی زخمی نہیں ہوا اور میں فوری کارروائی کرنے والے امدادی اہلکاروں، انجینئروں اور لانچنگ ٹیم کا شکریہ ادا کرتا ہوں۔"
یہ دھماکہ ارب پتی جیف بیزوس کی خلائی تحقیقاتی کمپنی کے لیے ایک اور بڑا دھچکا ثابت ہواہے۔
گزشتہ ماہ نیو گلین راکٹ ایک مواصلاتی سیٹلائٹ کو درست مدار میں پہنچانے کے مشن میں ناکام رہا تھا جس کے بعد اس واقعے کی تحقیقات شروع کر دی گئی تھیں۔
