ایرانی میزائلوں نے اسرائیل کے متعددمقامات کو نشانہ بنایا، جس کے نتیجے میں آگ لگ گئی اور ایک عمارت کو نقصان پہنچا اسرائیلی فضائی دفاعی نظام اس حملے کو روکنے میں ناکام رہا۔
اسرائیلی آرمی ریڈیو کے مطابق ایران سے داغے گئے ، متعدد میزائل اسرائیلی علاقوں میں گرے۔
اگرچہ فوج نے حملے کے مقامات کی تفصیلات فراہم نہیں کیں، لیکن اسرائیل ہیوم اخبار نے ابتدائی جائزوں کی بنیاد پر رپورٹ کیا کہ کم از کم دو میزائل القدس اور تل ابیب کے قریب شارون کے علاقے میں گرے۔
چینل 12 نے رپورٹ کیا کہ میزائل حملوں سے وسطی اسرائیل میں ایک عمارت کو نقصان پہنچا اور آگ بجھانے والے عملے نے 20 گاڑیوں میں لگنے والی آگ پر قابو پا لیا۔
رپورٹس کے مطابق، میزائل کے ٹکڑے شمالی اسرائیل میں ایک عمارت سے ٹکرائے، جبکہ گرنے والے میزائل اور ملبے نے کھلے علاقوں میں کئی مقامات پر آگ لگا دی۔
علاقائی کشیدگی میں گزشتہ جمعہ کو اسرائیل کے ایران کے کئی مقامات کہ جن میں فوجی اور جوہری تنصیبات بھی شامل تھیں پر فضائی حملے کرنے پر اضافہ ہوا تھا، جس پر تہران نے جوابی حملے کیے تھے۔
اسرائیلی حکام کے مطابق، ایرانی میزائل حملوں کے بعد سے کم از کم 24 افراد ہلاک اورسینکڑوں زخمی ہوئے ہیں۔
دوسری جانب ایران کا کہنا ہے کہ اسرائیلی حملے کے نتیجے میں کم از کم 224 افراد ہلاک اور 1,000 سے زائد زخمی ہوئے ہیں۔
