ترکیہ کی دفاعی کمپنی بائیکار اور اٹلی کی دفاعی کمپنی  لیونارڈو کی شراکت سے زیرِ تکمیل پہلا درمیانے درجے کا ڈرون ہوائی جہاز (UAV) اپریل تک مکمل ہو جائے گا۔

لیونارڈو کے چیف ایگزیکٹو آفیسر روبرٹو چنگولانی نے 2025 کے مالیاتی نتائج کی پیشکش کے لئے  منعقدہ  پریس بریفنگ میں کہا ہے کہ  کمپنی نے UAV شعبے میں غیر معمولی رفتار حاصل کی ہے اور ہم، ترکیہ کی ڈرون ساز کمپنی بائیکار کے ساتھ قریبی تعاون میں ہیں۔

انہوں نے کہا  ہےکہ دونوں کمپنیاں روزانہ کی بنیاد پر نئی ٹیکنالوجیوں کے اتحاد  پر کام کر رہی ہیں اور مزید تفصیلات اگلے چند ہفتوں میں متوقع ایک تازہ  حکمتِ عملی منصوبے میں بیان کی جائیں گی۔

ترقی کی تیز رفتار پر زور دیتے ہوئے، چنگولانی نے کہا ہے کہ محض آٹھ ماہ میں نمایاں پیش رفت ہوئی ہے۔

انہوں نے اعلان کیا ہے کہ اپریل تک UAV کی اسیمبلنگ اور پیداوار شمالی اٹلی کےعلاقے رونچی ڈے لیگیوناری میں لیونارڈو کی تنصیبات پر مکمل کر دی جائے گی۔

انہوں نے کہا کہ یہ پروگرام مختلف قسم کے پلیٹ فارمز کو کور کرتا ہے، جن میں فکسڈ وِنگ اور روٹری وِنگ دونوں نظام شامل ہیں۔

وسیع پیداوار اور فروخت کی طرف جانے سے پہلے کہ جن کی تعداد سینکڑوں یونٹس تک پہنچنے کی توقع ہے طیارے تقریباً ایک سال کے تجرباتی مرحلے سے گزارے جائیں گے۔