ترکیہ کی دفاعی صنعت آسیلسان کی "پانی کی گہرائیوں میں قومی آنکھ" کے مرکزی خیال کے ساتھ تیارہ کردہ "دیرین گیوز" DERİNGÖZ خودکار زیرِ آب گاڑی گولجوک کے پانیوں میں اپنی صلاحیتوں کا مظاہرہ کرے گی۔

دیرین گیوز زیر آب گاڑی کو  مختلف نوعیت کی ضروریات کو مدنظر رکھ کر  تیار کیا گیا ہے۔ اسے بارودی سرنگوں کے خلاف کارروائیوں، زیرِ آب موجود اہم  بنیادی ڈھانچے کے تحفظ، زیرِ آب پائپ لائنوں کی نگرانی، زیرِ آب تلاش اور بندرگاہوں کی حفاظت جیسے کاموں میں استعمال کیا جا سکتا ہے۔

خودکار طور پر مشن انجام دینے کی صلاحیت رکھنے والا یہ نظام زیرِ آب خطرناک اور دشوار گزار علاقوں میں تلاش و نگرانی کی سرگرمیوں کو کم ترین انسانی مداخلت کے ساتھ سر انجام دینے کی سہولت فراہم کرتا ہے۔

آسیلسان نے اپنے سوشل میڈیا اکاؤنٹ سےجاری کردہ پیغام میں کہا ہے کہ
"آسیلسان دیرین گیوز خودکار زیرِ آب گاڑی اس وقت  گولجوک کے پانیوں میں موجود ہے۔ ہم، اسے دیکھنے کے خواہش مند تمام زائرین کو TEKNOFEST Mavi Vatan میلے میں خوش آمدید کہتے ہیں"۔

زائرین دیرین گیوز کو، 20 سے 23 اگست کے دوران گولجوک شپ یارڈ کمانڈ میں منعقد ہ TEKNOFEST Mavi Vatan کے دوران ، قریب سے دیکھ سکیں گے۔ اس میلے میں TRT بھی ابلاغی شراکت دار کی حیثیت سے شامل ہے۔