بلوچستان  کے  ضلع  پنجگور میں دھماکہ ہوا ہے ۔

 ایک اہلکار نے  بتایا ہے کہ یہ بظاہر چٹکان بازار میں شہریوں کو نشانہ بنانے والا ایک IED دھماکہ تھا، جو ایک دیسی ساختہ دھماکہ خیز مواد کی طرف اشارہ کرتا ہے۔

پولیس اور سیکیورٹی فورسز نے فورا علاقے کو گھیر لیا اور سائٹ کو محفوظ بنانے اور شواہد جمع کرنے کے لیے تلاش  شروع  کر دی ہے۔

 مقامی نشریاتی ادارے جیو نیوز کے مطابق، پیر کے روز ایک  دیگر دھماکے میں ملک کے شمال مغربی خیبر پختونخوا صوبے میں ایک شخص ہلاک اور نو زخمی ہو گئے، جب ضلع لکی مروت میں سیمنٹ فیکٹری کی ایک گاڑی کو نشانہ بنانے والا   IED  مواد دھماکے سے پھٹ گیا۔

 کسی بھی دہشت گرد گروہ نے فوری طور پر ان حملوں کی ذمہ داری قبول نہیں کی ہے ۔

یہ واقعات خیبر پختونخوا صوبے میں دو الگ الگ حملوں میں چار پولیس اہلکار ہلاک ہونے کے ایک دن بعد پیش آئے ہیں۔

یاد رہے کہ اتوار کے روز بھی  لکی مروت ضلع میں مشتبہ دہشت گرد حملے میں تین پولیس اہلکار ہلاک ہو گئے۔

 ایک مقامی سول انتظامیہ کے اہلکار نے نام ظاہر نہ کرنے کی شرط پر بتایا کہ پولیس نے حملے کے بعد سرچ اینڈ اسٹرائیک آپریشن کیا، جس میں جھڑپ کے دوران ایک دہشت گرد ہلاک  جبکہ ایک پولیس افسر بھی زخمی ہوا۔

اہلکار نے مزید کہا کہ آپریشن ابھی بھی علاقے میں جاری ہے۔

حالیہ برسوں میں خاص طور پر خیبر پختونخوا اور بلوچستان میں دہشت گرد حملوں میں اضافہ دیکھا  جا رہا ہے۔