قطر  کی  میزبانی میں  امریکہ اور خلیجی عرب ریاستوں کی ایک علاقائی  سلامتی کی11 روزہ   مشق    ختم  ہو گئی ہے ۔

قطر نیوز ایجنسی کے مطابق، اس مشق کو 'عرب خلیج سکیورٹی 4' کا نام دیا گیا تھا اور اس میں کونسل برائے خلیجی تعاون کے رکن ممالک نے حصہ لیا۔

جی سی سی ممالک کی سکیورٹی اور قانون نافذ کرنے والے اداروں نے  ماہر امریکی فورسز کے ساتھ مل کر مشق میں حصہ لیا۔

رپورٹ کے مطابق، شریک ممالک کے  وزرائے داخلہ  اور سینئر سکیورٹی حکام نے بھی اختتامی تقریب میں شرکت کی۔

مشق کے دوران 260 گھنٹوں سے زائد تربیتی سرگرمیاں انجام دی گئیں، جن میں 70 سے زائد میدانی منظرنامے شامل تھے۔

یہ مشق ایسے وقت میں ہوئی جب امریکہ اور ایران کے درمیان کشیدگی میں اضافہ  ہے اور صورتِ حال کو معمول پر لانے  کی سفارتی کوششیں جاری  ہیں۔