اسرائیلی وزیراعظم بنیامین نیتن یاہو نے کہا کہ اسرائیل ایران کے خلاف اپنی جنگ "اپنی پوری طاقت کے ساتھ" جاری رکھے گا، اور دعویٰ کیا کہ ایک ہفتے کی بمباری کے بعد امریکہ کے ساتھ مل کر تہران کے آسمانوں پر تقریباً مکمل کنٹرول حاصل کر لیا ہے۔

نیتن یاہو نے اتوار کو ٹیلی وژن خطاب میں کہا کہ ہمارے پاس ایرانی نظام کو جڑ سے اکھاڑ پھینکنے اور کئی دیگر مقاصد حاصل کرنے کا ایک منظم منصوبہ موجود ہے،"

نیتن یاہو نے کہا  کہ  ہم وطنوں  آپ مجھے، حکومت اور ہمارے بہادر فوجیوں سے کہتے ہیں کہ ہم فتح تک جاری رکھیں اور میں آپ کا شکریہ ادا کرتا ہوں میں آپ کو یقین دلاتا ہوں کہ ہم اپنی پوری طاقت کے ساتھ  جنگ جاری رکھیں گے،" ۔

اسرائیلی وزیراعظم نے کہا کہ اسرائیلی اور امریکی پائلٹوں کی بمبار  مہم کی وجہ سے ہم نے ایران کے دارالحکومت کے فضائی حدود پر تقریباً مکمل کنٹرول حاصل کر لیا ہے۔"

ایرانی عوام سے خطاب کرتے ہوئے انہوں نے کہا کہ "حقیقت کا لمحہ" قریب آ رہا ہے۔

انہوں نے کہا کہ 7  اکتوبر کے واقعات کے بعد جیسا کہ وعدہ کیا گیا تھا، اسرائیل نے مشرقِ وسطیٰ کا چہرہ بدل دیا ہے  جبکہ  اس نے خود کو بھی بدل لیا ہے، ۔

نیتن یاہو نے دعویٰ کیا کہ انہوں نے اسرائیل کے دشمنوں کو ختم کرنے کے لیے خطرات سے بھرپور فیصلے کیے ہیں۔

28 فروری سے اسرائیل اور امریکہ ایران پر حملے کر رہے ہیں جن میں سینکڑوں افراد ہلاک ہوئے، جن میں رہبر اعلی علی خامنہ ای اور کئی سیکیورٹی حکام بھی شامل ہیں۔

 تہران نے اسرائیل کی طرف میزائلوں اور ڈرونز  سے حملے کر کے جواب دیا ہے۔

جواباً ایران نے خلیجی ممالک اور اردن میں امریکی  تنصیبات  کو بھی میزائلوں اور ڈرونز کے ذریعے نشانہ بنایا ہے۔