بائکار نے، ترکیہ کے پہلے مقامی ڈرون محارب طیارے 'بائراکتار قزل الما' کے ایف۔16 کو ہدف بنا کر فضاء سے فضاء میں مار کرنے والے مقامی میزائل 'گوک دوعان' کے ساتھ تمثیلی فائر کرنے اور اس طرح ایک تاریخی پرواز تجربہ مکمل کرنے کا، اعلان کیا ہے۔

محارب ڈرون طیارے نے ضلع 'تکیرداع چورلو' کے 'آقنجی تربیتی و تجرباتی فلائٹ مرکز' سے پرواز کی۔ 4 ہزار 500 میٹر بلندی پر ایک گھنٹے 45 منٹ کی اُڑان میں طیارے نے ایف۔16 طیاروں کے ساتھ فارمیٹ پرواز کی اور اس کے ساتھ ساتھ قومی راڈار اور ایمونیشن کے ساتھ اتصال کی تصدیق بھی کی۔

قزل الما نے آسیلسان کا 'مراد ایسا' راڈار استعمال کیا 48 کلومیٹر کی مسافت سے ہدف 'ایف۔16' کی نشاندہی کی اور اس پر لاک کر کے فضاء سے فضاء میں حربی صلاحیت کا مظاہرہ کیا۔ اس تجربے کے ساتھ محارب ڈرون طیارے کی پروازوں کا کُل دورانیہ 55 گھنٹوں تک پہنچ گیا ہے۔