پاکستانی حکومت نے گزشتہ  روز فوج طلب کر کے شمالی گلگت بلتستان کے کئی حصوں میں تین روزہ کرفیو نافذ کر دیا ہے ۔

حکومتی بیان کے مطابق، یہ اقدام ایران کے  رہبر اعلی  علی خامنہ ای کی امریکی-اسرائیلی حملے میں ہلاکت کے خلاف ہونے والے ہلاکت خیز احتجاج کے بعد کیا گیا۔

گزشتہ رو  ملک بھر میں مظاہرین اور سکیورٹی فورسز کے درمیان جھڑپوں میں کم از کم 23 افراد ہلاک اور درجنوں زخمی ہوئے، جس کے نتیجے میں حکام نے امریکی سفارتخانے اور قونصل خانوں کے گرد سکیورٹی سخت کر دی۔

گلگت، اسکردو اور شگر اضلاع میں کرفیو نافذ کیا گیا، جہاں جھڑپوں کے دوران کم از کم 11 مظاہرین اور ایک سکیورٹی اہلکار ہلاک اور 40 دیگر زخمی ہوئے۔

کراچی میں امریکی قونصل خانے کے باہر ایک احتجاج کے دوران 10 افراد ہلاک اور 60 سے زائد زخمی ہوئے جبکہ  اسلام آباد میں امریکی سفارتخانے کی طرف جاتے ہوئے دو مزید مظاہرین ہلاک ہوئے۔

حکومت نے خبردار کیا کہ خامنہ ای کی ہلاکت کی مذمت میں ہونے والے بڑے پیمانے پر مظاہروں کے درمیان صورتحال مزید بگڑ سکتی ہے۔