مراکشی سرکاری خبر رساں ایجنسی MAP سے بات کرتے ہوئے نام ظاہر نہ کرنے والے ایک حکومتی عہدیدار نے کہا کہ مراکش غیر قانونی ہجرت کے خلاف کوششوں کے تناظر میں "خودمختار، وفادار اور ذمہ دار شریک" رہنے کا سلسلہ جاری رکھے ہوئے ہے۔

عہدیدار نے کہا مراکِش نے کبھی بھی دباؤ کے سامنے سر نہیں جھکایا،: "ہمارا ملک کبھی بلیک میل یا زبردستی کے تحت عمل نہیں کرتا۔ ہماری کوششوں کا بنیادی محرک ہمیشہ ہماری وابستگیاں اور ذمہ داری کا احساس رہا ہے۔"

عہدیدار نے زور دیا کہ غیر قانونی ہجرت کے خلاف مقابلہ ایک مشترکہ ذمہ داری کا تقاضا کرتا ہے۔

عہدیدار نے دعویٰ کیا کہ نقل مکانی  کا مسئلہ پیچیدہ نوعیت کا ہے اور تمام فریقین کو اپنی ذمہ داریاں پوری کرنی چاہئیں؛ مراکش نے اس معاملے میں اپنا حصہ بھرپور طور پر نبھایا ہے۔

"ہسپانیہ کے ساتھ تعاون مثال ہے"

عہدیدار نے کہا کہ ان کی جانب سے دکھائی گئی کوششوں کے ٹھوس نتائج برآمد ہوئے ہیں، انہوں نے مزید یوں کہا:"یہ وابستگی ہر ایک کے لیے ٹھوس نتائج کے ساتھ واضح  ہوتی ہے؛ بعض لوگ حاصل شدہ  اس بڑی کامیابی کی وسعت کو محسوس کیے بغیر اسے معمول کا معاملہ سمجھ لیتے ہیں... اسی مقصد کے لیے اہم انسانی، فنی اور مالی وسائل متحرک کیے گئے ہیں۔ مراکش اور ہسپانیہ کی حکومتوں کے درمیان تعاون اس  لحاظ سے ایک مثال تشکیل دیتی  ہے۔"

گزشتہ دو برسوں میں ڈیڑھ لاکھ سے  زائد افراد کی نقل مکانی کا سد باب کیا گیا

میدان کے اعداد و شمار سے آگاہ کرتے ہوئے عہدیدار نے کہا کہ غیر قانونی ہجرت کے خلاف کوششوں کے نتیجے میں 2024 میں 79 ہزار اور 2025 میں 74 ہزار غیر قانونی ہجرت کی کوششیں روکی گئیں۔

عہدیدار نے بتایا کہ ہمہ وقت آپریشنز میں 2024 اور 2025  میں 632 انسانی اسمگلنگ نیٹ ورکس کا خاتمہ کیا گیا، اور اسی دورانیے میں سمندری آپریشنز کے ذریعے 32 ہزار سے زائد مہاجرین کو ڈوبنے سے بچایا گیا۔