ترکیہ کے وزیر خارجہ خاقان فیدان نے، استنبول میں منعقدہ "بلقان امن پلیٹ فورم وزرائے خارجہ اجلاس" کے دوران، بوسنیا ہرزیگووینا، سربیا، شمالی مقدونیہ، اور مونٹی نیگرو کے وزرائے خارجہ کے ساتھ دو طرفہ ملاقاتیں کی ہیں۔
ترکیہ وزارت خارجہ کے سرکاری ایکس پلیٹ فورم کے جاری کردہ بیان کے مطابق خاقان فیدان نے، بروز ہفتہ، بوسنیا و ہرزیگووینا کے ایلمیدین کوناکووچ، سربیا کے مارکو دورچ، شمالی مقدونیہ کے تیمکو موچنسکی اور مونٹی نیگرو کے اروین ابراہیمووچ سے ملاقات کی ہے۔
یہ ملاقاتیں، ترکیہ کی کوششوں سے استنبول سے شروع کئے گئے اور متعدد بلقانی ممالک کی شرکت سےمنعقدہ،"بلقان امن پلیٹ فورم" کے افتتاحی اجلاس کے موقع پر ہوئی ہیں ۔
اس پلیٹ فورم کا مقصد علاقائی ممالک کے درمیان مکالمے، باہمی اعتماد اور تعاون کو مضبوط بنانا اور مشترکہ علاقائی مسائل کا پائیدار حل تلاش کرنا ہے۔
