ترکیہ کے صدر رجب طیب اردوعان نےبروز  ہفتہ جاری کردہ بیان میں کہا ہے کہ  ایران اور لبنان میں اسکولوں اور ہسپتالوں کو نشانہ بنایا جا رہا ہے اور یہ حملے غزہ میں پھیلائی گئی تباہی سے مشابہہ ہیں۔

استنبول میں ایک افطار پروگرام  سے خطاب میں اردوعان  نےخبردار کیا  ہےکہ  "تشدد کے پھیلاو کے دوران  خطے کے شہری انفراسٹرکچر کو مسلسل نشانہ بنایا جا رہا ہے۔ یہ  خون کا پیاسا  نیٹ ورک غزہ کی طرح ایران اور لبنان میں بھی اسکولوں اور ہسپتالوں پر حملے جاری رکھے ہوئے ہے"۔

صدر اردوعان  نے زور دیا ہے کہ" ترکیہ ان صف اوّل کے ممالک میں سے ایک ہے جو موجودہ دیوانگی کے ماحول  میں بحرانوں کے حل کے لیے عقل، گفت و شنید اور سفارتکاری کا دفاع کر رہا ہے"۔

واضح رہے کہ28 فروری کو  اسرائیل اور امریکہ کے ایران پر مشترکہ حملے کے بعد سے مشرق وسطیٰ کا بحران  شدت اختیار کر گیا ہے۔

حملوں میں ایران کے دینی لیڈر علی خامنہ ای  اور پرائمری اسکول کی  150 بچیوں سمیت  1,200 سے زائد افراد ہلاک اور 10,000 سے زائد  زخمی ہو چکے ہیں۔

جوابی کاروائی   میں ایران نے  اسرائیل اور اردن و عراق سمیت امریکی فوجی اثاثوں والے   چند خلیجی ممالک پر ڈرون اور میزائل حملے کئے ہیں۔  جنگ کے آغاز کے بعد سے آٹھ امریکی فوجی  ہلاک ہو چکے ہیں۔