یوکرین اور روس نے رات بھر ڈرون حملے دوبارہ شروع کر دیئے ہیں۔

32 گھنٹے کی آرتھوڈوکس ایسٹر جنگ بندی کے خاتمے کے بعد دونوں ممالک نے ایک دوسرے پر  بڑے پیمانے پر خلاف ورزیوں کے الزامات لگائے ہیں۔

یوکرینی فضائیہ نے کہا کہ روس نے 98 ڈرونز داغےاور مزید کہا کہ اس کے فضائی دفاعی یونٹس نے ان میں سے 87 کو مار گرایا۔

یوکرینی حکام کے مطابق وسطی-مشرقی علاقے دنیپروپیٹرووسک میں ایک انفراسٹرکچر تنصیب کو نشانہ بنایا گیا ۔

دوسری جانب روس نے اطلاع دی کہ 13 اپریل کو ڈیوٹی پر موجود فضائی دفاعی افواج نے 33 یوکرینی طیارہ نما ڈرونز کو تباہ کر دیا۔

گزشتہ ہفتے، ماسکو اور کیف نے جنگ بندی پر عمل کرنے پر اتفاق کیا تھا، جو ہفتہ کو شام 4:00 بجے سے اتوار کی شام  تک جاری رہی۔

یوکرینی فوج نے کہا کہ اس نے روسی فوج کی جانب سے 10,000 سے زیادہ خلاف ورزیاں ریکارڈ کی ہیں  جن میں سے زیادہ تر جھڑپیں تھیں۔

تاہم، اس نے کہا کہ اعلان کردہ جنگ بندی کے دوران کسی بھی میزائل ، فضائی  یا حملہ آور ڈرون حملے ریکارڈ نہیں کیے گئے۔

روس کی وزارت دفاع نے کیف پر تقریباً 2,000 بار جنگ بندی کی خلاف ورزی کا الزام لگایا۔

جاری جنگ کی وجہ سے ان دعوؤں کی آزادانہ تصدیق مشکل ہے جو فروری میں اپنے پانچویں سال میں داخل ہو گئی ہے۔