صہیونی حملوں نے گزشتہ 24 گھنٹوں میں غزہ میں آٹھ فلسطینیوں کو قتل اور 34 کو زخمی کر دیا ہے۔
فلسطین وزارتِ صحت نے آج بروز منگل جاری کردہ بیان میں کہا ہے کہاسرائیل نے حالیہ 24 گھنٹوں کے دوران غزہ میں مزید آٹھ فلسطینیوں کو قتل اور 34 کو زخمی کر دیا ہے۔
اس قتل عام کے بعد اکتوبر 2023 سے جاری نسل کُشی میں قتل کئے گئے فلسطینیوں کی تعداد 72,988 ہو گئی۔
وزارت نے یہ اعداد و شمار ہلاکتوں کے بارے میں اپنے یومیہ بیان میں جاری کیے ہیں۔
وزارت نے زخمیوں اور ہلاکتوں کے بارے میں تفصیل فراہم نہیں کی۔
واضح رہے کہ اسرائیلی فوج، بمباری اور فائرنگ کی شکل میں، 10 اکتوبر 2025 سے نافذ ہونے والے جنگ بندی معاہدے کی خلاف ورزی جاری رکھے ہوئے ہے ۔
وزارت کے مطابق، جنگ بندی کے بعد سے جاری اسرائیلی حملوں میں کم از کم 978 افراد کو قتل اور 3,097 کو زخمی کیا جا چُکا ہے۔
واضح رہے کہ اکتوبر 2023 سے اسرائیل کی غزّہ پر مسلّط کردہ نسل کُشی کے بعد 2025 میں جنگ بندی معاہدہ طے پایا تھا۔ قتل و غارت گری کے علاوہ اسرائیل نے غزّہ کے 90 فیصد شہری ڈھانچے کو تباہ کر دیا ہے۔ اقوام متحدہ نے تعمیر نو کی لاگت کا اندازہ تقریباً 70 بلین ڈالر لگایا ہے۔
