امریکہ وزارت برائے داخلہ سلامتی  نے کہا ہے کہ ریاست مینیپولس میں 10 ہزار سے زائد غیر قانونی مہاجرین کو گرفتار کر لیا گیا ہے۔

وزیر برائے داخلہ سلامتی کرسٹی نوم نے بروز اتوار جاری کردہ ایک بیان میں کہا ہے کہ " مینیپولس اور مینیسوٹا  ریاستوں میں جاری چھاپہ آپریشنوں کے دوران  وزارت برائے  داخلہ سلامتی نے  دس ہزار سے زائد غیرقانونی تارکین وطن کو گرفتار کیا ہے "۔

نوم نے کہا ہے کہ یہ غیر قانونی تارکینِ وطن  امریکیوں کو قتل کر رہے، بچوں کو نقصان پہنچا رہے اور مینیپولس میں دہشت  گردی مچا رہے  تھے"۔

نوم نے مینیسوٹا کے گورنر' ٹم والز' اور مینیپولس کے گورنر 'جیکب فری' کو رہائشیوں کے تحفظ میں ناکامی اور "مجرموں " کے دفاع کا کا  قصوروار ٹھہرایا  ہے۔

نوم کے بقول گذشتہ چھ ہفتوں کے دوران شہری نظم و ضبط  کے  حکام نے 3,000 تارکین وطن کو گرفتار کیا ہے۔

امیگریشن اینڈ کسٹمز انفورسمنٹ (ICE) کے ایک ایجنٹ کے 7 جنوری کو 37 سالہ رینی نکول گڈ کو گولی مار کر ہلاک  کرنے کے بعد  سےمینیپولس قومی سطح پر امیگریشن قانون کے نفاذ کے حوالے سے تنازعے کا مرکز بن گیا ہے۔

رینی گڈ ایک امریکی ماں تھی اور  اس کی ہلاکت نے عوامی اور سیاسی سطح پر وسیع ردِعمل کو جنم دیا اور مقامی، ریاستی اور وفاقی سطح پر واقعے کی تحقیقات کےمطالبے میں شدّت پیدا کر دی ہے۔