نیویارک ٹائمز کی رپورٹ کے مطابق، ایک پرتعیش کروز میں ہنٹا وائرس کے پھیلاؤ کے بعد امریکہ کی کم از کم تین ریاستوں میں لوگوں کی ممکنہ انفیکشن کے لیے نگرانی کی جا رہی ہے، اگرچہ زیرِ نگرانی افراد میں سے کسی میں بھی ابھی تک بیماری کی علامات ظاہر نہیں ہوئی ہیں۔

 عالمی ادارہ صحت  نے اپنی تازہ ترین  رپورٹ میں بتایا کہ MV Hondius نامی جہاز پر تین افراد ہلاک ہو چکے ہیں جبکہ چند دیگر میں علامات پائی گئی ہیں۔

بدھ کو شائع ہونے والی اس رپورٹ میں جارجیا کے  امور صحت کا حوالہ دیا گیا، جس نے ایک بیان میں کہا کہ وہ اپنے دو رہائشیوں کی نگرانی کر رہا ہے، وہ دونوں اچھی صحت میں ہیں اور ان میں انفیکشن کی کوئی علامت نہیں ہے۔

رپورٹ میں مزید کہا گیا کہ کیلیفورنیا کے محکمہ صحت کو بھی سینٹرز فار ڈیزیز کنٹرول اینڈ پریوینشن (CDC) کی جانب سے مطلع کیا گیا تھا کہ ریاست کے رہائشی بھی اس جہاز پر سوار تھےجبکہ  ایجنسی نگرانی کے لیے مقامی حکام کی مدد کر رہی ہے۔

ریاستی حکام کے مطابق، ایک اور مسافر ایریزونا کا رہائشی ہے اور علامات ظاہر نہ ہونے کے باوجود اس کی نگرانی کی جا رہی ہے۔

سی ڈی سی  نے یہ بھی کہا کہ امریکہ مسافروں کی نگرانی کر رہا ہے۔

سی ڈی سی نے ایک بیان میں کہا کہ امور خارجہ ایک مربوط، ہمہ جہتی حکومتی ردعمل کی قیادت کر رہا ہے جس میں مسافروں کے ساتھ براہ راست رابطہ، سفارتی ہم آہنگی، اور ملکی و بین الاقوامی صحت کے حکام کے ساتھ تعاون شامل ہے۔

سی ڈی سی نے مزید کہا کہ ہم خطرے کو کم کرنے کے لیے تکنیکی مدد اور رہنمائی فراہم کرنے کے لیے اپنے بین الاقوامی شراکت داروں کے ساتھ مل کر کام کر رہے ہیں۔

 یہ بھی واضح کیا  گیا ہے کہ امریکی عوام کے لیے اس کا خطرہ "انتہائی کم" ہے۔

سی ڈی سی کے مطابق، ہنٹا وائرس چوہوں اور اس جیسے دیگر جانوروں کے فضلے، پیشاب اور لعاب کے ساتھ رابطے سے انسانوں میں منتقل ہو سکتا ہے جبکہ انسان سے انسان میں اس کی منتقلی غیر معمولی ہے۔