بھارتی صوبے آسام کے شمال مشرقی علاقے میں ایک ایئر فورس اڈے پر لینڈنگ  کے دوران ایک ٹرانسپورٹ طیارے کے گرنے کے نتیجے میں پانچ بھارتی فضائیہ کے اہلکار ہلاک ہوگئے۔

فضائیہ نے ہفتے کو بتایا کہ روسی ساختہ انٹونوف An-32 طیارہ  رہٹ علاقے میں معمول کی پرواز کے دوران 'حادثے کا شکار ہوا'۔

بھارتی فضائیہ نے  X پر لکھا ہے: 'حادثے کے مقام کا تعین  اور ابتدائی تحقیقات اس وقت جاری ہیں۔'

اس نے مزید کہا: 'حادثے کی وجہ جانچنے کے لیے ایک انکوائری کورٹ تشکیل دیا جا رہا ہے۔'

نیوز چینل NDTV نے حادثہ کے مقام کی تصاویر نشر کیں، جن میں سیاہ دھوئیں کا گھنا بادل دکھائی دے رہا تھا اور طیارہ بظاہر ٹکڑوں میں منہدم نظر آ رہا تھا۔

An-32، ایک جڑواں انجن ٹربو پروپ طیارہ، خاص طور پر بلند ارتفاعات اور انتہائی موسمی حالات میں بہتر کارکردگی کے لیے ڈیزائن کیا گیا ہے۔

بھارتی فضائیہ ان میں سے تقریباً 100 طیارے ملک کے سب سے دور افتادہ پہاڑی علاقوں میں فوجی ساز و سامان اور شہری امداد کے لیے استعمال کرتی ہے۔

ان طیاروں سے متعلق آخری بڑا حادثہ 2019 میں اروناچل پردیش میں ہوا تھا، جو چین کی سرحد کے قریب تھا، جس میں13 افراد ہلاک ہو گئے تھے۔