ایران نےکہا ہے کہ  ملک کے جنوبی شہر میناب کے  لڑکیوں کے پرائمری اسکول پر28 فروری کا  میزائل حملہ'ناقابلِ معافی' جنگی جرم  ہے ۔اس کے  ذمہ داروں کااحتساب کیا جائے۔

ایران وزارتِ خارجہ کے ترجمان اسماعیل بقائی نے بروز بدھ جاری کردہ بیان میں کہا ہے کہ168 بچوں کی اموات کا سبب بننے والے  اس حملے کوسزا کے بغیر نہیں رہنا چاہیے۔

بقائی نے سوشل میڈیا ایکس سے جاری کردہ بیان میں  کہا ہے کہ 28 فروری کو میناب میں لڑکیوں  کےپرائمری  اسکول پر 'ڈبل ٹیپ امریکی ٹوم ہاک میزائل' حملے نے ایران کے '168 معصوم فرشتوں کا قتل عام کیا ہے۔ یہ ایک سنگین اور ناقابلِ معافی جنگی جرم ہے جو  سزا کے بغیر نہیں رہنا چاہیے ۔

ایران سرکاری ٹی وی نے قبل ازیں نشر کردہ خبر میں کہا  تھا کہ یہ حملہ ہرمزگان کے شہر میناب میں صرف لڑکیوں کے پرائمری اسکول کو نشانہ بنا کر کیا گیا اور حملے میں، بشمول طلبہ اور اساتذہ، 170 سے زائد افراد  ہلاک ہو گئے ہیں۔

امریکہ کے صدر ڈونلڈ ٹرمپ نے قبل ازیں اس حملے کے پیچھے خود ایران کے ہونے کا دعوی کیا اور کہا تھا کہ "جو کچھ میں نے دیکھا ہے اس کی بنیاد پر، یہ کام ایران نے کیاہے"۔

تحقیقات میں یہ بات  سامنے آنے کے بعد  کہ حملے میں امریکی فوج کے زیرِ استعمال  ٹوم ہاک کروز میزائل شامل تھے تو ٹرمپ نے بغیر کسی ثبوت کے  دعویٰ کر دیا کہ ایران کے پاس کچھ ٹوم ہاک بھی ہیں۔ بعد ازاں یہ دعویٰ بھی غلط ثابت ہوگیا"۔

کل بروز بدھ امریکی ذرائع ابلاغ نے  جاری فوجی تفتیش کے ابتدائی نتائج کے حوالے سے  کہا  تھاکہ "تفتیش سے ظاہر ہوتا ہے کہ یہ حملہ ممکنہ طور پر امریکی فوج نے انجام دیا ہے"۔حملے کی تحقیقات جاری ہیں۔