پاکستانی سکیورٹی قوتوں نے شمال مغربی علاقوں میں جھڑپوں میں 22 مبینہ دہشت گردوں کو جہنم واصل کر دیا، ایک بچہ بھی کراس فائرنگ میں جان بحق ہو گیا۔
فوج کے میڈیا ونگ کے ایک بیان کے مطابق منگل کو 'سکیورٹی فورسز اور قانون نافذ کرنے والے اداروں نے ایک مشترکہ فوجی آپریشن کیا' جس کے نتیجے میں 'شدید فائرنگ کا تبادلہ' ہوا اور دہشت گرد مارے گئے۔
دس سالہ بچہ اسی فائرنگ کے تبادلے میں ہلاک ہوا، جو افغانستان سے ملحقہ خیبر ضلع میں ہوئی۔
وزیر اعظم شہباز شریف نے دہشت گردوں کی بلااشتعال فائرنگ میں ایک 10 سالہ بچے کی شہادت پر افسوس کا اظہار کیا ہے۔
حملوں میں، جن میں سے کئی کا دعویٰ تحریکِ طالبانِ پاکستان (ٹی ٹی پی) نے کیا ہے، حالیہ برسوں میں خاص طور پر افغانستان سے ملحقہ صوبوں میں اضافہ ہوا ہے۔
پاکستان نے الزام عائد کیا ہے کہ افغان طالبان کے 2021 میں دوبارہ اقتدار میں آنے کے بعد افغانستان نے دہشت گردوں کو محفوظ پناہ گاہ فراہم کی ہے، جس کی کابل نے بارہا تردید کی ہے۔
ان الزامات نے پڑوسی ممالک کے درمیان تعلقات کو کشیدہ کر دیا ہے اور باقاعدہ سرحدی جھڑپوں کا باعث بنے ہیں۔
پاک فوج نے امسال افغانستان میں سلسلہ وار حملے شروع کیے جنہیں وزیر دفاع نے 'جنگ' سے تعبیرکیا؛ یہ کارروائیاں متواتر مہلک خودکش دھماکوں کے بعد کی گئیں۔
