ترکیہ کے صدر رجب طیب اردوعان نے ہفتے کے روز آذربائیجان کے صدر الہام علی ییف کے ساتھ ٹیلیفونک ملاقات کی جس میں دوطرفہ تعلقات کے ساتھ ساتھ علاقائی و عالمی پیش رفتوں پر تبادلہ خیال کیا گیا ہے۔
ترکیہ صدارتی دفتر کے جاری کردہ بیان کے مطابق گفتگو کے دوران صدر اردوعان نے کہا ہے کہ ترکیہ اور آذربائیجان ہر میدان میں اپنے دوطرفہ تعلقات کو مزید مضبوط کریں گے۔
انہوں نے جنوبی قفقاز میں پائیدار امن کے قیام کی کوششوں کے لیے ترکیہ کی حمایت کا اعادہ بھی کیا ہے۔
'دہشت گردی سے پاک ترکیہ' کے ہدف سے جاری کاروائیوں کا ذکر کرتے ہوئے صدر اردوعان نے کہا ہے کہ یہ ہدف، خطے سے دہشت گرد تنظیموں کے خاتمے میں، مددگار ثابت ہوگا۔
انہوں نے اس مرحلے کی کامیاب تکمیل کی اہمیت پر زور دیا اور کہا ہے کہ یہ علاقائی سلامتی کو مزید مستحکم کرے گا۔
علی ییف نے بھی 'دہشت گردی سے پاک ترکیہ' کے مقصد کے ساتھ شروع کیے گئے عمل میں ترکیہ کی کامیابی کی اہمیت کو اجاگر کیا ہے۔
انہوں نے اس عمل میں ہونے والی پیش رفت پر خوشی کا اظہار کیا اور امید ظاہر کی ہے کہ یہ عمل کامیابی سے مکمل ہوگا اور اپنے مقصد کو حاصل کرے گا۔
