روسی حکام نے بدھ کو کہا کہ روس کے مغربی سمولنسک علاقے میں ایک کھاد بنانے والے پلانٹ پر یوکرینی ڈرون حملے میں سات افراد ہلاک اور دس زخمی ہو گئے۔

یہ پلانٹ روسی شہر دوروگوبُژ کے بالکل باہر واقع ہے اور یوکرین کی سرحد سے تقریباً 290 کلومیٹر (180 میل) دور ہے۔

سوشل میڈیا پر شائع غیرتصدیق شدہ تصاویر میں مبینہ طور پر بدھ کی صبح پلانٹ میں آگ اور رات کے آسمان میں اٹھتے ہوئے دھواں کے ستون دکھائی گئے تھے۔

سمولنسک کے گورنر واسِلی انوخِن نے ٹیلی گرام پر ایک پیغام میں کہا کہ دشمن نے پی جے ایس سی دوروگوبُژ کو نشانہ بنایا، جو ایک شہری پلانٹ ہے اور نائٹروجن کھاد تیار کرتا ہے۔”

روسی تفتیشی کمیٹی جو سنگین جرائم کی تحقیقات کرتی ہے  اس نے  بعد ازاں کہا   کہ یہ چار سالہ جنگ کے دوران روسی صنعتی مقامات پر ہونے والے سب سے زیادہ ہلاکت خیز حملوں میں سے ایک ہو سکتا ہے۔

یوکرین نے ایک بیان میں کہا کہ اس نے کم از کم 30 ڈرونز جو دھماکا خیز آلات سے لیس تھے داغے جنہوں نے قابلِ ذکر نقصان پہنچایا ہے ۔

گورنر انوخِن نے مزید کہا کہ بدھ کی صبح ریسکیو حکام نے آگ پر قابو پا لیا تھا، جبکہ حکام حفاظتی وجوہات کی بنا پر ہمسایہ گاؤں کے رہائشیوں کو نکالنے پر غور کر رہے تھے۔

روسی میڈیا کی رپورٹوں کے مطابق، اس پلانٹ پر پچھلے سال دسمبر میں بھی حملہ ہوا تھا۔

یوکرین نے جو شہریوں کو ہدف بنانے کی تردید کرتا ہے فوری طور پر کوئی تبصرہ نہیں کیا۔

یہ حملے اکثر روس کی تیل و گیس کی صنعت اور دیگر صنعتی مقامات کو نشانہ بناتے ہیں اور ان سے اربوں ڈالر کا نقصان ہوا ہے۔

کیف کا کہنا ہے کہ یہ حملے روس کی طرف سے اس کے اپنے شہریوں پر کیے گئے حملوں کا بدلہ ہیں جن میں سینکڑوں افراد ہلاک ہوئے اور یوکرینی توانائی کے بنیادی ڈھانچے کو شدید نقصان پہنچا۔