میکسیکو کی شمال مغربی ریاست سینالوا میں ایک ہائی وے پل کے قریب سے 20 افراد کی لاشیں ملی ہیں۔

پیر کے روز سرکاری  دفتر استغاثہ  کے مطابق چار لاشیں سڑک کے کنارے ملی ہیں جبکہ دیگر 16 لاشیں ایک لاوارث گاڑی سے ملی ہیں۔

حکام نے بتایا کہ تمام متاثرین میں گولیوں کے زخموں کے نشانات تھے۔

تقریبا ایک سال قبل سینالوا کارٹل کے شریک بانی اسماعیل "ایل میو" زمبادہ کی مبینہ گرفتاری کے بعد سے علاقے میں تشدد میں تیزی سے اضافہ ہوا ہے۔

زمباڈا نے دعویٰ کیا ہے کہ اسے جیل میں قید منشیات کے سرغنہ جوکوئن "ایل چاپو" گوزمین کے بیٹے نے اغوا کیا تھا اور اس کی مرضی کے خلاف امریکہ لے جایا گیا تھا۔

اس تنازعے کی وجہ سے کارٹیل کے اندر جان لیوا لڑائی شروع ہو گئی ہے، جس نے ایل چاپو کے وفاداروں  بشمول ان کے بیٹوں  کو زمباڈا سے وابستہ  حریفوں کے خلاف کھڑا کر دیا ہے۔

سرکاری اعداد و شمار کے مطابق اس کے نتیجے میں علاقے میں 1200 سے زائد افراد ہلاک ہو چکے ہیں۔

سینالوا کارٹل میکسیکو کے ان چھ اسمگلنگ گروپوں میں سے ایک ہے جنہیں امریکہ نے دہشت گرد تنظیم قرار دیا ہے۔

میکسیکو میں 2006 سے اب تک منشیات سے متعلق ہنگاموں میں تقریبا 480،000 افراد ہلاک ہو چکے ہیں۔ ایک لاکھ 20 ہزار سے زائد افراد اب بھی لاپتہ ہیں۔