امریکہ وزارتِ انصاف نے سزا یافتہ جنسی مجرم جیفری ایپسٹین سے متعلقہ نئے دستاویزات شائع کر دیئے ہیں۔تازہ فائلوں میں بھارت کے وزیر اعظم نریندر مودی کے حوالے سے بھیجی گئی ایک ای میل پر بھارت انتظامیہ نے سخت ردعمل کا اظہار کیا ہے۔

بروز ہفتہ روزنامہ یروشل پوسٹ میں شائع ہونے والی خبر کے مطابق ایپسٹین سے منسوب ایک ای میل میں بھارت کے وزیر اعظم نریندر مودی کے 2017 کے دورہ اسرائیل  کے بارے میں بات کی گئی ہے۔ یہ دورہ  کسی بھارتی وزیر اعظم کا پہلا دورہ  اسرائیل تھا۔

ای میل میں کہا گیا ہے کہ"بھارتی وزیر اعظم مودی، اپسٹین کی نصیحت پر اور امریکی صدر کے فائدے کے لیے، اسرائیل میں ناچے اور گانا گایا۔ وہ چند ہفتے پہلے مل چُکے تھے۔ یہ حربہ کام کر گیا"۔

بھارتی حکام نے ای میل سے پیدا ہونے والے کسی بھی اشارے  کنائے کو سختی سے رد کر دیا ہے۔

نئی دہلی وزارتِ خارجہ  نے  جاری کردہ بیان میں کہا ہے کہ "ای میل کی واحد حقیقت مودی کا دورہ اسرائیل ہے اس کے علاوہ سب بے بنیاد ہے"۔

وزارتِ خارجہ  کے ترجمان رندھیر جسوال نے اس تبصرے کو ”ایک سزا یافتہ مجرم کا ہذیان قرار دیا اور کہا ہے کہ ایپسٹین ”شدید ترین حقارت“ کا مستحق ہے۔

جسوال نے مزید کہا ہے کہ  مودی اور ایپسٹین کے درمیان کسی بھی معقول ملاقات یا مشاورتی تعلق کے شواہد موجود نہیں ہیں۔

تاہم اپوزیشن جماعتوں نے اس حوالے کو موضوع بنا کر وضاحت کا مطالبہ کیا ہے۔