بھارت کے دارالحکومت نئی دہلی کے ہوٹل 'فلورش سٹے' میں آتشزدگی کے نتیجے میں 21 افراد ہلاک ہو گئے ہیں۔

موصول معلومات کے مطابق آج بروز بدھ نئی دہلی کے  ہوٹل  'فلورش سٹے' میں لگنے والی آگ کے نتیجے میں کم از کم 21 افراد ہلاک ہو گئے ہیں۔ یہ واقعہ حالیہ برسوں میں نئی دہلی میں پیش آنے والے مہلک ترین آتشزدگی واقعات میں سے  ایک ہے۔

دہلی پولیس کے مطابق آگ صبح کے وقت شہر کے جنوبی حصے کے ایک گنجان  آبادعلاقے میں واقع "Flourish Stay" نامی ہوٹل میں لگی۔

پولیس حکام  نے کہا ہے کہ "ہم، انتہائی دکھ کے ساتھ  اطلاع دیتے ہیں کہ اس افسوسناک واقعے میں 21 افراد ہلاک اور 40 سے زائد زخمی ہو گئے ہیں۔ زخمیوں کو قریبی اسپتالوں میں منتقل کر دیا گیا ہے۔

واضح رہے کہ بھارت میں فائر فائٹنگ آلات کی کمی اور حفاظتی قوانین پر معمول کے مطابق عمل نہ ہونے کی وجہ سے عمارتوں میں آگ لگنے کے واقعات عام ہیں۔

خاص طور پر گنجان آباد علاقوں میں آتشزدگی کے واقعات بھارت میں ایک عام حفاظتی مسئلہ بنے ہوئے ہیں۔عمارتوں کے ضوابط اکثر مناسب طریقے سے نافذ نہیں کیے جاتے۔

مقامی حکام نے آگ لگنے کی وجہ اور اس میں زیادہ جانی نقصان کے پیچھے کارفرماحفاظتی کوتاہیوں  کی تحقیقات شروع کر دی ہیں۔