پاکستان کے وزیرِ داخلہ محسن نقوی نے کہا ہے کہ ہم نے،  پاکستان کی سیاسی اور عسکری قیادت کا، ایک خصوصی پیغام ایرانی رہبر تک پہنچایا ہے۔

ایران کے وزیرِ داخلہ اسکندر مومنی سے ملاقات کے بعد اخباری نمائندوں کے ساتھ  بات چیت میں  نقوی نے کہا ہے کہ "ہم نے، ایران۔امریکہ تنازعے میں اسلام آباد کی ثالثانہ کوششوں کے سلسلے میں کئے گئے دورہ تہران  کے دوران ، پاکستان کی سیاسی اور عسکری قیادت کا خصوصی پیغام ایرانی رہبر تک پہنچایا ہے۔

یہ پیغام وزیرِ اعظم شہباز شریف اور آرمی چیف جنرل عاصم منیر کی جانب سے بھیجا گیا تھا اور، سفارت کاری کی حمایت کے زیرِ مقصد جاری،  اہم رابطہ کاری کا حصّہ ہے"۔

 نقوی نے یہ امید بھی ظاہر کی ہے کہ جاری سفارتی کوششیں خطے میں کشیدگی کم کرنے میں مددگار ثابت ہوں گی۔

واضح رہے کہ پاکستان، 28 فروری کو ایران کے خلاف امریکہ۔اسرائیل  جنگ شروع ہونے کے بعد سے، تہران اور واشنگٹن کے درمیان ثالث کا کردار ادا کر رہا ہے۔

8 اپریل کو پاکستان کے زیرِ  ثالثی ایک عارضی جنگ بندی طے پائی تھی، تاہم اس کے نفاذ سے متعلق اختلافات اور بعد ازاں رونما ہونے والی علاقائی پیش رفتوں کے باعث مذاکرات تعطل کا شکار ہو گئے تھے۔

حالیہ دورہ ، محسن نقوی اور ان کے ایرانی ہم منصب اسکندر مومنی کے درمیان جمعہ کے روز کرغزستان کے دارالحکومت بشکیک میں طے پانے والی ملاقات کے بعد کیا گیا ہے۔ دونوں عہدیداروں نے بشکیک میں شنگھائی تعاون تنظیم 'SCO' وزرائے داخلہ اجلاس میں شرکت کی تھی۔