سرکاری حکام کے بقول روسی ڈرونز اور کروز و بیلسٹک میزائلوں کے وسیع پیمانے کے کل شب حملوں نے ملک بھر کے شہروں اور اہم بنیادی ڈھانچے کو نشانہ بنایا، جس کے نتیجے میں دارالحکومت کیف میں کم از کم دو افراد ہلاک ہو گئے۔
کیف کے میئر ویٹالی کلیچکو نے کہا کہ حملوں میں 10 افراد زخمی ہوئے جن میں سے پانچ کو ہسپتال منتقل کیا گیا، اور دو کی حالت تشویشناک ہے۔
ڈراونز اور تیز رفتار بیلسٹک میزائلوں کی لہر کی طرف سے شہر کو ہدف بنانے پر یوکرینی فضائیہ نے پوری شب ہنگامی انتباہ جاری کیے ۔
فضائی خطرے کے الارم رات بھر بار بار بجتے رہے جب روسی ڈرونز اور بیلسٹک میزائلوں کی لہروں نے کیف اور اہم بنیادی ڈھانچوں کو نشانہ بنایا۔
حکام نے رہائشیوں سے پناہ گاہوں میں رہنے کی ہدایت کی، تو فضائی دفاعی نظام حملوں کا جواب دینے یکی کوشش کی۔
روسی صدر ولادیمیر پوتن نے مختصر وقفے کے لیےحملوں میں معطلی کا حکم دیا تھا جب امریکی صدر ڈونلڈ ٹرمپ کے ایلچی اسٹیو وٹکوف اور جیریڈ کوشنر نے اختتام ہفتہ پر روسی اور یوکرینی دارالحکومتوں کا دورہ کیا تھا۔
تازہ دھماکوں سے شہر میں آگ لگی اور کار الارم بج اٹھے، اور کیف کی شہری فوجی انتظامیہ نے کہا کہ کم از کم دو افراد ہلاک اور سات زخمی ہوئے۔
کیف میں آتشزدگی اور ریسکیو کی اطلاعات
حملوں کے نتیجے میں دارالحکومت کے متعدد اضلاع میں آگ لگی، جن میں ضلع ہولوسئیوسکی میں ایک تعلیمی ادارہ اور پودیلسکی اور دارنتسکی کے غیر رہائشی علاقے شامل ہیں۔
اسٹیٹ ایمرجنسی سروس کا کہنا ہے کہ ریسکیو اہلکاروں نے کیف کے مختلف مقامات سے 13 افراد کو بچایا۔
ہولوسئیوسکی ضلعی میں ایک دھماکے کی لہر نے 26 منزلہ غیر رہائشی عمارت کے 23 ویں فلور کو متأثر کیا۔
ایمرجنسی عملے نے 16 منزلہ رہائشی عمارت کے اندر پھنسے دو افراد اور جلتے ہوئے گیراج کے قریب ایک اور شخص کو بچایا۔
سولومینسکی ضلعی میں ریسکیو اہلکاروں نے پانچ منزلہ رہائشی عمارت میں پھنسے 10 افراد کی مدد کی۔ فائر فائٹرز نے متعدد اضلاع میں گوداموں، ذاتی گیراجوں اور گاڑیوں میں لگی آگوں سے بھی نبردآزما رہے۔
حملے یوکرین کے دیگر حصوں تک پھیل گئے
حملے صرف کیف تک محدود نہیں تھے۔ یوکرینی حکام کے مطابق روسی افواج نے دنائپروپیتروفسک، پولتاوا، چرنیہیف، مائکولائیو، چرکاسی، سومی، زاپوریژیا، اودیسا، خارکیف اور دونیتسک کے علاقوں کو بھی نشانہ بنایا۔
وسیع کیف خطے میں ڈرون حملوں نے بوریسپل اور فاسٹیو ضلعوں کو ہدف بنایا۔ بوریسپل کے صنعتی مقامات پر آگ بھڑک اٹھی جہاں سات ٹرک تباہ ہو گئے۔
ایک لاجسٹکس کمپلیکس پر بھی دو بار حملہ ہوا جس کے بعد ایمرجنسی عملے نے لگی ہوئی آگ بجھا دی۔
رپورٹس کے مطابق روسی ٹیکٹیکل طیاروں نے مشرقی یوکرین میں اگلے محاذی مقامات اور شہری ڈھانچوں کے خلاف KAB ہدایت یافتہ بم بھی داغے۔
یہ تازہ حملہ اس کے بعد ہوا جب تین روزہ عارضی جنگ بندی کے بعد لڑائی دوبارہ شروع ہوئی، جسے امریکی ایلچی اسٹیو وٹکوف اور جیریڈ کوشنر کے حالیہ دورے کے دوران اختیار کیا گیا تھا۔
