روسی حکام نے کہا ہے کہ یوکرین نے روس کی بحیرہ اسود بندرگاہ 'تواپسے' پر بڑے پیمانے کا ڈرون حملہ کیا ہے۔ حملے کے نتیجے میں بندرگاہ میں آگ بھڑک اٹھی اور ایک شخص ہلاک ہوگیا ہے۔

ایسے میں کہ جب 16 اپریل کے ایسے ہی ایک اور حملے کی نشانات ابھی تازہ  ہیں  یہ واقعہ مرکز توجہ بن گیا ہے۔

روس کی سرکاری خبر رساں ایجنسی تاس نے پیر کو جاری کردہ خبر میں کہا ہے کہ ڈرون حملے کے نتیجے میں توپسے بندرگاہ کے باربرداری بنیادی ڈھانچے کو نقصان پہنچا ہے۔

تواپسے، روس کے جنوبی حصّے کی بڑی بندرگاہوں میں شمار ہوتی  ہے۔ بندرگاہ تیل مصنوعات کی برآمدات  کا مرکز ہے اور یہاں سے  کوئلے اور کھاد جیسی خشک باربرداری  بھی کی جاتی ہے۔ اس کے علاوہ بندرگاہ میں روسنیفٹ کی زیرِ ملکیت  ایک بڑی آئل ریفائنری بھی واقع ہے ۔

 کراسنوڈار  کے گورنر وینیامین کوندراتییف نے ٹیلگرام سے جاری کردہ بیان میں  کہا ہے کہ "تواپسے پر ایک اور بڑے پیمانے کا ڈرون حملہ کیا گیا ہے اور بندرگاہ پر آگ لگی ہے"۔

کوندراتییف نے کہا ہے کہ بندرگاہ پر ایک شخص ہلاک اور ایک زخمی ہواہے۔ ڈرون کے ملبے نے ایک کنڈرگارٹن اور پرائمری اسکول سے لے کر ایک چرچ اور رہائشی مکانات کے بلاک سمیت شہر کی متعدد عمارتوں کو نقصان پہنچایا ہے۔

روس وزارت دفاع نے کہا ہےکہ رات بھر میں 112 یوکرینی ڈرون تباہ کیے گئے ہیں۔