امریکہ کے صدر ڈونلڈ ٹرمپ نے کرسمَس کی شام کو، حزب اختلاف ڈیموکریٹوں پر، حملے کے لیے استعمال کیا اور انہیں "انتہا پسند بائیں بازو کا کچرا" کہا ہے۔
ری پبلکن صدر 'ٹرمپ' نے فلوریڈا میں اپنی 'مار-اے-لاگو' رہائش گاہ سے نئے سال کے جوش و خروش کے ساتھ کرسمَس کا آغاز کیا۔ وہ، نوراڈ کی سانٹا کلاز ٹریکر کالوں میں شامل ہوئے اور دنیا بھر میں موجود امریکی فوجیوں کو کرسمَس کی مبارکبا دی ہے۔
تاہم ٹرمپ نے اپنے حریف ڈیموکریٹوں کےلئے اسی خوش مزاجی کا مظاہرہ نہیں کیا۔ کرسمس کی شام ٹرتھ سوشل سے جاری کردہ بیان میں ٹرمپ نے کہا ہے کہ "ہر ایک کو میری کرسمَس، اُس انتہاپسند بائیں بازو کے کچرے کو بھی جو ہماری قوم کو تباہ کرنے کے لیے ہر ممکن کوشش کر رہے ہیں لیکن بُری طرح ناکام ہو رہے ہیں"۔
"اب ہمارے ملکی موضوعات کھُلی سرحدیں، عورتوں کے کھیلوں میں مرد،جنسی آزادی ہر ایک کے لیے اور قانون نافذ کرنے والے کمزور ادارے نہیں ہیں۔ اب ہمارے موضوعات ریکارڈ اسٹاک مارکیٹ اور 401K ، کئی دہائیوں کے بعد جرائم کی کم ترین تعداد، مہنگائی سے پاک زندگی اورتوقع سے 2 پوائنٹ بہتری کے ساتھ 4.3 فیصد جی ڈی پی ہیں۔
ٹرمپ نے، مہنگائی کے معاملات پر ان کی انتظامیہ کی کارکردگی پر اعتراض کرنے کی وجہ سے،حزبِ اختلاف پر بھی کڑی تنقید کی ہے۔ یہ تنقید شعبہ کامرس کے جاری کردہ اعداد و شمار کی طرف سے اقتصادی سال کی تیسری سہ ماہی میں 4.3 فیصد بڑھوتی کے ساتھ گذشتہ 2 سال کے بلند ترین جی ڈی پی کا اعلان کرنے کے بعد کی گئی ہے ۔
لیکن رپورٹ نے یہ بھی دکھایا ہےکہ گھریلو خریداری کی قیمت میں 3.4 فیصد اضافہ ہوا ہے جو دوسری سہ ماہی کے 2.0 فیصد کے مقابلے میں مہنگائی کی کہیں بلند شرح ہے۔
واضح رہے کہ کرسمَس سے ایک ہفتہ قبل، ڈیموکریٹوں نے شعبہ انصاف پر تنقید کی اور کہا تھا اس نے جنسی مجرم جیفری ایپسٹین ، جو کبھی ٹرمپ کے دوست تھے ، کی تفتیش سے متعلقہ ریکارڈ کو جاری کرنے میں سستی کی اور ان میں بڑے پیمانے پر ترمیم کی ہے۔
ٹرمپ نے، کیریبین کے پانیوں میں متعین امریکی بحریہ کے ارکان سمیت، دنیا بھر میں موجود امریکی فوجیوں کو بھی کرسمس کی مبارکباد دی ہے۔
یاد رہے کہ واشنگٹن نے وینزویلا کے صدر نکولس مادورو پر دباؤ ڈال کر عہدہ صدارت چھوڑنے پر مجبور کرنے کی مہم شروع کر رکھی ہے۔
