ایران نے ایک ایسے شخص کو پھانسی دی ہے جسے اس نے اسرائیل کے لیے جاسوسی کے الزام میں سزا دی تھی ۔
ایرانی عدلیہ کے میڈیا ادارے میزان نے ملزم کا نام علی اردستانی قرار دیا گیا۔
واضح رہے کہ ایران نے بہت سے افراد کو پھانسی دی ہے جن پر اس نے اسرائیل کی انٹیلی جنس سروس سے تعلقات اور ملک میں اس کی کارروائیوں میں سہولت فراہم کرنے کا الزام لگایا ہے۔
میزان کا کہنا ہے کہ علی اردستانی کو موساد انٹیلی جنس سروس کے حق میں جاسوسی اور ملک کی حساس معلومات فراہم کرنے کے جرم میں سزائے موت عدالت عالیہ کی منظوری اور قانونی طریقہ کار کے ذریعے دی گئی ہے ۔
اس سال اسرائیل کے لیے جاسوسی کے الزام میں ایرانی افراد کی پھانسیوں میں اضافہ ہوا ہے،
سالوں کے خفیہ حملوں، سائبر آپریشنز اور پراکسی جنگ کے بعد یہ دشمنی گزشتہ جون میں براہ راست تصادم میں بدل گئی جب اسرائیل نے امریکہ کی حمایت سے ایران کی جوہری تنصیبات پر حملہ کیا تھا۔
اس کے بعد سے ایرانی حکام نے داخلی سلامتی کے اقدامات کو تیز کر دیا ہے، جن میں اسرائیل کے موساد کے ساتھ تعاون کرنے والے افراد کی گرفتاریوں اور پھانسیوں میں تیزی سے اضافہ شامل ہے تاکہ جاسوسی کو روکنے اور قومی سلامتی کو مضبوط کرنے کی کوشش کی جا سکے۔
