ایک روسی اہلکار نے پیر کو کہا کہ یوکرین نے روس کے زیرِقبضہ لوہانسک علاقے میں بیلورِچنسکا کوئلے کی کان پر حملہ کیا، جس سے ایک پاور سب اسٹیشن کو نقصان پہنچا اور 41 کان کن زیرِزمین پھنس گئے۔

علاقے کے کریملن کے زیرِحمایت سربراہ لیونِد پاسچنِک نے پیر کو کہا کہ ایمرجنسی عملے پاور بحال کرنے اور کان کنوں کو محفوظ طریقے سے نکالنے پر کام کر رہے ہیں۔

پاسچنِک نے کہا کہ 'متعلقہ ٹیمیں کان کنوں کو بچانے کے اقدامات کر رہی ہیں،' اور مزید کہا کہ رابطہ بحال ہو چکا ہے اور مزدوروں کو پینے کے پانی تک رسائی حاصل ہے۔

یہ واقعہ مشرقی یوکرین میں  جنگ میں تیزی آنے کے ساتھ  شہری انفراسٹرکچر پر بڑھتے ہوئے خطرات کی طرف اشارہ کرتا ہے۔

یوکرینی حملوں میں اضافہ

کوئلے کی کان پر یہ حملہ یوکرین  کے روس کی بالٹک بندرگاہ پریمورسک اور نورسی آئل ریفائنری کو نشانہ بنانے کے واقعے کے 24 گھنٹوں سے بھی کم عرصے بعد ہوا ۔

یوکرین نے گزشتہ  ماہ  سےروسی توانائی کے بنیادی ڈھانچے پر اپنے حملے تیز کر دیے ہیں۔