برطانیہ میں دو ایرانی شہری، صحافیوں کی جاسوسی کے جرم میں، مجرم قرار دے دیئے گئے۔
دنیا
برطانیہ میں دو ایرانی شہری، صحافیوں کی جاسوسی کے جرم میں، مجرم قرار دے دیئے گئے۔
برطانیہ میں دو ایرانی شہری، حکومت مخالف صحافیوں کی جاسوسی کے جرم میں، مجرم قرار دے دیئے گئے۔
 

برطانیہ کی عدالت نے دو ایرانی شہریوں کو، ایران کی پاسدارانِ انقلاب کے لئے حکومت مخالف صحافیوں کی نگرانی کے جرم میں، قصوروار قرار دے دیا ہے۔ برطانوی پولیس کا کہنا ہے کہ یہ مقدمہ ملک میں ایران سے متعلقہ سرگرمیوں میں اضافے کی نشاندہی کرتا ہے۔

حکام نے جمعرات کے روز جاری کردہ بیان میں کہا ہے کہ وولِچ کراؤن کورٹ میں چلنے والے مقدمے میں 41 سالہ مصطفیٰ سپاہ وَند کو دو الگ الگ جرائم میں اور برطانیہ کے قومی سلامتی کے قانون کے تحت 46 سالہ فرہاد جوادی منیش کو ایک جرم میں مجرم قرار دیا گیا ہے۔

عدالت نے اس مقدمے میں 57 سالہ شاپور قلعہلی خانی نوری کو بری کر دیا ہے۔

دوسری جانب ایران نے جاسوسی کے مذکورہ الزامات میں اپنے کسی بھی کردار کی تردید کی ہے۔ لندن میں ایرانی سفارت خانے نے سماجی رابطے کے پلیٹ فارم ایکس سے جاری کردہ بیان میں کہا ہے کہ:

’’اسلامی جمہوریہ ایران کا لندن سفارت خانہ، برطانوی عدالتی حکام کی جانب سے ایرانی حکومت کو برطانیہ میں ہونے والے پُرتشدد واقعات کی منصوبہ بندی یا حمایت کا ذمہ دار ٹھہرائے جانے کی مذموم کوششوں کو سختی سے مسترد کرتا ہے۔ مذکورہ افراد اور ایرانی اداروں کے درمیان کسی قسم کے تعلق کے یا مذکورہ افراد کے جاسوسی میں ملوث ہونے کے دعوے سراسر بے بنیاد ہیں۔‘‘

مزید ویڈیوز
ایک الٹرا۔اورتھوڈوکس یہودی نے آرمینی کلیسا پر تھوک دیا
اسرائیل نے خوراک کے ٹرک پر حملہ کر کے 3 فلسطینیوں کو قتل کر دیا
برلن پولیس نے مظاہرین سے زبردستی فلسطینی پرچم چھین لیا
اسرائیلی غیر قانونی آباد کاروں نے ایک فلسطینی چھابڑی فروش کو لوٹ لیا
غزہ میں نسل کشی کے باوجود بچے امید کی کرن کے لیے تیراکی کر رہے ہیں
اسرائیل کی ثقافتی نسل کشی فلسطینی گانے "دلعونہ" کو نشانہ بنا رہی ہے
نیش ول میں سالانہ کنٹری میوزک ایوارڈز کا انعقاد ہونے والے میدان میں محصور غزہ کی تصاویر کی عکاسی
اورچ رئیس زلزلہ تحقیقی جہاز اپنے دوسرے بین البراعظمی مشن کے تحت پاکستان پہنچ گیا
امریکہ میں ایک شخص نے اپنے ملک کی نسل کشی اسرائیل کی حمایت کے خلاف احتجاج کیا
ایک برطانوی لارڈ کی غزہ کی یہودی برادری پر اسرائیلی نسل کشی کے خلاف چپ سادھنے پر تنقید