امریکہ کے صدر ڈونلڈ ٹرمپ نے کہا ہےکہ میں، اپنے چینی ہم منصب شی جن پنگ کے ساتھ، کسی سربراہی اجلاس کی کوششوں میں نہیں ہوں۔ میں، چین جا سکتا ہوں لیکن صرف شی جن پنگ کی طرف سے مدعو کئے جانے کی صورت میں۔
ٹرمپ نے پیر کے روز 'ٹروتھ سوشل' سے جاری کردہ بیان میں کہا ہے کہ "جعلی ذرائع ابلاغ ایسی خبریں دے رہے ہیں کہ جیسے میں صدر شی کے ساتھ کسی 'سربراہی اجلاس' کا خواہش مند ہوں۔ یہ درست نہیں ہے، میں کسی بھی چیز کا خواہش مند نہیں ہوں!
انہوں نے مزید کہا ہے کہ "میں چین کا دورہ کر سکتا ہوں، لیکن یہ صرف صدر شی کی دعوت پر ہی ممکن ہے کہ جو پہلے ہی دی جا چکی ہے۔ بصورت دیگر مجھے دورہ چین میں کوئی دلچسپی نہیں! اس معاملے پر توجہ دینے کا شکریہ۔"
امریکہ اور چین کے درمیان تجارتی مذاکرات کا تیسرا دور، امریکہ کے وزیر خزانہ اسکاٹ بیسنٹ اور چین کے نائب وزیر اعظم 'ہی لیفینگ' کی زیرِ قیادت امریکہ اور چین کے درمیان تجارتی مذاکرات کا تیسرا دور سویڈن کے دارالحکومت اسٹاک ہوم میں بدھ تک جاری رہے گا۔
محصولات کی جنگ میں وقفہ
روزنامہ 'ساوتھ چائنا مارننگ پوسٹ' کی خبر کے مطاقب بیجنگ اور واشنگٹن سے توقع کی جا رہی ہے کہ وہ اسٹاک ہوم میں پیر سے شروع ہونے والے تجارتی مذاکرات میں محصولات کی جنگ میں وقفے کو مزید تین ماہ کے لیے بڑھا دیں گے ۔
امریکہ کے صدر ڈونلڈ ٹرمپ نے اتوار کے روز جاری کردہ بیان میں کہا ہے کہ ان کی انتظامیہ چین کے ساتھ تجارتی معاہدے کے قریب ہے، لیکن مزید تفصیلات فراہم نہیں کیں۔
ٹرمپ نے ،اسکاٹ لینڈ میں، یورپی کمیشن کی صدر ارسلا وان ڈیر لئین کے ساتھ ملاقات سے قبل صحافیوں سے بات چیت میں کہا ہے کہ "ہم ،چین کے ساتھ ایک معاہدے کے بہت قریب پہنچ گئے ہیں۔اصل میں ہم نے چین کے ساتھ ایک معاہدہ کر لیا ہےلیکن دیکھتے ہیں کہ یہ کیسے آگے بڑھتا ہے۔"
