نیپال کے ایک اعلیٰ عہدیدار نے اناطولیہ ایجنسی کو بتایا کہ ملک کے مغربی ضلع رولپا کے ایک دور دراز گاؤں تھوانگ میں مٹی کا تودہ گرنے سے کئی گھر بہہ گئے، جس کے نتیجے میں کم از کم پانچ افراد ہلاک اور آٹھ لاپتہ ہو گئے ہیں۔
بدھ کے روز مقامی وقت کے مطابق رات لگ بھگ 8:00 بجے آنے والے اس لینڈ سلائیڈ نے پہاڑی ڈھلوانوں پر قائم 11 گھروں اور گائے بھینسوں کے باڑوں کو اپنے ساتھ بہا کر تباہ کر دیا۔
امدادی ٹیمیں متاثرہ علاقے تک پہنچنے کے لیے مسلسل کوششیں کر رہی ہیں۔
مسلح پولیس فورس اور نیپال پولیس کے بچاؤ دستوں نے لاپتہ افراد کا سراغ لگانے کے لیے تلاش اور امدادی کارروائیاں شروع کر دی ہیں۔
نیپال کا پسماندہ ٹرانسپورٹ نیٹ ورک اور آفات سے نمٹنے کے لیے ناکافی تیاریاں، جون میں شروع ہو کر ستمبر تک جاری رہنے والے مون سون کے سیزن میں بڑے پیمانے پر جانی نقصان کا سبب بنتی ہیں۔
آفات سے نمٹنے کے ذمہ دار سرکاری ادارے کے مطابق، بدھ کے روز تک لینڈ سلائیڈنگ، سیلاب اور شدید بارشوں جیسی مون سون سے متعلقہ آفات میں 43 افراد اپنی جانیں گنوا چکے تھے۔
